A Secretaría Xeral de Política Lingüística vén de dar un paso máis na proxección exterior da literatura galega coa tradución ao ruso da obra de Manuel Curros Enríquez.

Fonte: Xunta de Galicia

O Equipo de Dinamización e Normalización Lingüística do IES da Pobra publicou a campaña "Por unha web social verdadeiramente multilingüe", coa que se pretende difundir a presenza da lingua galega no funcionamento dun considerable abano de ferramentas da web, así como estimular a creación da opción en galego noutras que aínda non o ofrecen.

Fonte: CTNL

En Blusens Global Corporation, a multinacional galega de electrónica, “fixeron un esforzo por crear menús sinxelos e de manexo doado para todos os usuarios”, sen esquecer o galego como unha das linguas nas que poder configurar os sintonizadores TDT.

Fonte: Código Cero

O Consello da Xunta aprobou a formalización de dous convenios de colaboración entre a Secretaría Xeral de Política Lingüística e as empresas Motorola España e TCT Mobile Europe SAS, comercializadora da marca Alcatel, para a normalización lingüística no sector da telefonía móbil. Os acordos supoñen a renovación dos que xa se asinaran en setembro do ano pasado, coa novidade de que pasan a ser indefinidos, o que afianza o compromiso destas empresas coa galeguización deste sector.

Fonte: Xunta de Galicia

A primeira fase dun programa desenvolvido polo Gabinete de Normalización Lingüística da Deputación de Lugo revela o pouco uso do galego entre os traballadores da institución provincial.

Fonte: La Voz de Galicia

A hipotética supresión da norma que regula o uso e a promoción do galego no sistema educativo por parte de Núñez Feijóo terá en fronte o profesorado encargado do fomento do idioma nos centros de ensino.

Fonte: Xornal.com

Potenciar o uso da lingua galega e facelo dun xeito ameno e interactivo. Ese é o principal obxectivo que persegue a Xincana, unha nova actividade organizada pola Secretaría Xeral de Política Lingüística que se desenvolverá en centros comerciais de cinco cidades galegas durante os meses de abril e maio.

Fonte: Xunta de Galicia

A Secretaría Xeral de Política Lingüística e a Asociación Multisectorial de Novas Tecnoloxías da Información e da Comunicación, Ineo, teñen ultimado o primeiro curso en liña de lingua galega, deseñado para a preparación da obtención do Certificado de Lingua Galega no seu primeiro nivel, o Celga 1.

Fonte: Xunta de Galicia

A Mesa pola Normalización Lingüística concéntrase o mércores, 1 de abril, ante o Parlamento de Galicia para reivindicar que se adopten medidas en defensa do galego e que, na nova lexislatura, non se produzan involucións na garantía dos dereitos lingüísticos.

Fonte: El Progreso

O Servizo de Normalización do Concello da Coruña organiza, dentro da campaña Sabor a galego e en colaboración con Turgalicia e coa Mesa pola Normalización Lingüística, un Obradoiro de estratexias de atención ao público no sector da hostalería, co fin de intentar estender o uso da lingua galega na atención ao público no ámbito da hostalería.

Fonte: SNL da Coruña