Máis de 4.000 usuarios de Tuenti e un total de 1.400 de Facebook apoiaron a través destas redes sociais de internet a manifestación "en defensa do galego" convocada pola Mesa pola Normalización Lingüística que se celebrará o vindeiro 17 de maio en Santiago de Compostela.

Fonte: Europa Press

A organización xuvenil do BNG, Galiza Nova, inicia esta semana, nos días previos á celebración do Día das Letras Galegas, unha campaña en defensa do galego que se desenvolverá en institutos da comarca de Vigo.

Fonte: Europa Press

O conselleiro de Cultura e Turismo, Roberto Varela Fariña, negou unha "controversia" lingüística entre galego e castelán que afecte á cultura de Galicia xa que, na súa opinión, é de "características políticas", pero aclarou que "non hai que excluír os creadores galegos que se expresan noutra lingua".

Fonte: Europa Press

A Real Academia Galega presentou na Coruña un manifesto do seu plenario sobre o idioma, no que mostra a súa preocupación porque «as primeiras decisións lingüísticas anunciadas pola Xunta sexan todas desprotectoras da lingua galega».

Fonte: La Voz de Galicia

O presidente do Goberno galego, Alberto Núñez Feijóo, asegurou que a Xunta estudará a posible oficialización do topónimo 'La Coruña' se a "maioría" dos grupos que conforman o pleno do Concello coruñés "se poñen de acordo" e elevan unha petición "consensuada" á Administración autonómica.

Fonte: Europa Press

O secretario xeral de Política Lingüística, Anxo Lorenzo Suárez, avogou por atopar “acordos de fondo” en materia de lingua que permitan recuperar o consenso sobre o idioma, adoptando os principios de convivencia, liberdade e de non discriminación.

Fonte: Xunta de Galicia

O presidente da Xunta, Alberto Núñez Feijóo, manifestou na conmemoración do Día das Letras Galegas a súa vontade de tender a man a todos os galegos “para facer da nosa lingua o que sempre foi: un tesouro común” co desexo de que o espírito de Ramón Piñeiro “non esmoreza nunca”.

Fonte: Xunta de Galicia

Milleiros de persoas desafiaron a choiva durante unha manifestación convocada para que non haxa «nin un paso atrás» na normalización do idioma galego e no seu emprego no ensino e na vida cotiá.

Fonte: La Voz de Galicia

Na rolda de prensa ofrecida polo conselleiro de Educación, Jesús Vázquez, e o secretario xeral de Política Lingüística, Anxo Lorenzo, o titular do departamento anunciou que o novo decreto se aplicará para o curso 2010-2011 despois de acadar o máximo consenso familiar, educativo, social e político posible.

Fonte: Xunta de Galicia

A Mesa pola Normalización Lingüística convocará unha folga xeral en todo o sistema educativo galego a comezos do curso 2009-2010, se Núñez Feijoo persiste no seu empeño de derrogar o decreto que regula o uso dos idiomas na escola.

Fonte: La Voz de Galicia