Galicia
Un script permite traducir automaticamente webs ao galego
Os usuarios do navegador Firefox poden ampliar as prestacións da aplicación con distintos engadidos, entre os que destaca Greasemonkey, que vén de aproveitarse para desenvolver un pequeno script que fai uso do tradutor de Google para poder ver o texto que teñamos seleccionado nunha páxina web automaticamente en galego.
Fonte: Código Cero
Máis de 1000 persoas visitaron en Sevilla a exposición "As nosas palabras, os nosos mundos", que viaxa agora a Lugo
Durante a súa estadía no Real Alcázar de Sevilla, a mostra suscitou o interese de numerosas persoas procedentes de diferentes lugares de España, así como do estranxeiro. A exposición abrirá as súas portas en Lugo o 23 de marzo e permanecerá nesta cidade ata o vindeiro 5 de abril.
Fonte: Xunta de Galicia
A Mesa pola Normalización Lingüística traballará para que o PP 'non desmantele a protección xurídica do galego'
A Mesa pola Normalización Lingüística vén de anunciar que, tras a vitoria de Alberto Núñez Feijóo nas eleccións galegas, iniciará 'un traballo incansable' para que o PP 'non desmantele a protección xurídica' do galego.
Fonte: A Nosa Terra
Feijóo deixará que os pais elixan en que idioma escolarizan os seus fillos
Asegura que estenderá esa liberdade de elección ás materias con carácter troncal e aos libros de texto. Ademais, modificará as galescolas en favor dun modelo educativo de 0 a 3 anos que permita escoller castelán ou galego.
Fonte: La Voz de Galicia
A Mesa pola Normalización Lingüística convoca unha manifestación pola defensa do galego en Compostela
O anuncio de Feijóo de derrogar o decreto que promove o ensino en galego provoca a reacción inmediata da Mesa pola Normalización mediante a convocatoria dunha protesta na capital de Galicia no mes de maio, malia que os conservadores aínda non asumiron o poder.
Fonte: A Nosa Terra
Xa está dispoñible na rede a versión en probas do Atlas Mundial Galego
Xa está dispoñible na rede o Atlas Mundial Galego na súa versión en probas, onde se poderán consultar os exónimos e a súa adaptación ao galego.
Fonte: CTNL
Investigadores de fóra de Galicia poden solicitar xa bolsas de estadías para participar en proxectos do Centro Ramón Piñeiro
A Secretaría Xeral de Política Lingüística convoca bolsas de estadías destinadas a investigadores de fóra da Comunidade Autónoma de Galicia para que poidan colaborar nos proxectos de investigación que xa ten en marcha o Centro Ramón Piñeiro para a Investigación en Humanidades.
Fonte: Xunta de Galicia
Sae á luz unha edición bilingüe, en galego e xaponés, da obra "Cantares Gallegos" de Rosalía de Castro
O poemario que marcou o inicio do Rexurdimento da literatura galega, Cantares Gallegos, acaba de ver a luz en forma dunha nova edición, en galego e xaponés, na que a tradución correu a cargo do lingüista e profesor universitario Takekazu Asaka.
Fonte: Xunta de Galicia
Nace Galeguizar Galicia, un portal de internet que aglutina diferentes organizacións que defenden a normalización do galego
Créase un novo portal de internet que aglutina diferentes organizacións que pretenden normalizar a situación do galego en diferentes ámbitos, moitos deles inéditos. O seu nome é Galeguizar Galicia.
Fonte: Vieiros
Marisol López avoga por estimular a diversidade lingüística para fortalecer a cohesión e a integración na Unión Europea
A secretaria xeral de Política Lingüística, Marisol López, defendeu as “vantaxes” que reporta para a cohesión e a integración a diversidade lingüística e cultural e puxo a Unión Europea como exemplo dun “panorama en positivo de concordia, de defensa das singularidades e de reforzamento dos lazos comúns”.
Fonte: Xunta de Galicia
Boletín
Subscríbase ao boletín
