Potenciar o uso da lingua galega e facelo dun xeito ameno e interactivo. Ese é o principal obxectivo que persegue a Xincana, unha nova actividade organizada pola Secretaría Xeral de Política Lingüística que se desenvolverá en centros comerciais de cinco cidades galegas durante os meses de abril e maio.

Fonte: Xunta de Galicia

A Secretaría Xeral de Política Lingüística e a Asociación Multisectorial de Novas Tecnoloxías da Información e da Comunicación, Ineo, teñen ultimado o primeiro curso en liña de lingua galega, deseñado para a preparación da obtención do Certificado de Lingua Galega no seu primeiro nivel, o Celga 1.

Fonte: Xunta de Galicia

A Mesa pola Normalización Lingüística concéntrase o mércores, 1 de abril, ante o Parlamento de Galicia para reivindicar que se adopten medidas en defensa do galego e que, na nova lexislatura, non se produzan involucións na garantía dos dereitos lingüísticos.

Fonte: El Progreso

O Servizo de Normalización do Concello da Coruña organiza, dentro da campaña Sabor a galego e en colaboración con Turgalicia e coa Mesa pola Normalización Lingüística, un Obradoiro de estratexias de atención ao público no sector da hostalería, co fin de intentar estender o uso da lingua galega na atención ao público no ámbito da hostalería.

Fonte: SNL da Coruña

O requisito do emprego do galego para poder optar a algunhas das axudas que concede a Deputación de Lugo ao movemento asociativo xerou un forte enfrontamento entre o Goberno bipartito da institución (formado por PSOE e BNG) e o PP.

Fonte: El Progreso

Superar o escaso dominio das linguas estranxeiras, e sobre todo do inglés, é un dos principais obxectivos da Administración educativa galega. Pero, a pesar de que desde hai anos se adiantou o ensino deste idioma a idades cada vez máis temperás (xa desde infantil), Galicia segue sendo unha das comunidades onde menos porcentaxe de alumnado cursa a lingua de Shakespeare.

Fonte: La Voz de Galicia

A Secretaría Xeral de Política Lingüística desvelou a resolución do xurado na que figuran os nomes dos gañadores dos dous concursos convocados para fomentar a creatividade en lingua galega a través da rede.

Fonte: Xunta de Galicia

Quinta de Couselo e Tvronia da Adega Quinta Couselo e a Adega O Casal foron as premiadas na VI edición dos premios Bacelos de Prata. O xurado recoñece así a utilización da lingua galega desde o inicio da súa actividade empresarial.

Fonte: Vieiros

A Secretaría Xeral de Política Lingüística puxo en marcha o proceso para cubrir a praza do lectorado de lingua, literatura e cultura galegas na Universidade do Estado do Rio de Janeiro. A convocatoria fíxose pública no Diario Oficial de Galicia do martes día 7 de abril.

Fonte: Xunta de Galicia

O Consello da Xunta aprobou a formalización dun convenio de colaboración entre a Secretaría Xeral de Política Lingüística e a empresa Sony Ericsson Mobile Communications Iberia SL, para a normalización do galego no sector da telefonía móbil.

Fonte: Xunta de Galicia