Logo do éxito acadado no seu percorrido por diversas localidades galegas o pasado mes de outubro, os Encontros dos Axóuxeres despídense cun grande espectáculo de música e palabra para os máis pequenos nos concellos de Castro de Rei, Barreiros e Cariño.

Fonte: Xunta de Galicia

O secretario xeral de Política Lingüística, Anxo Lorenzo, falou da necesidade de contar co “compromiso de todos os axentes do ámbito educativo” –profesores, Administración, equipos de normalización e dinamización lingüística e familias– para botar a andar con éxito un novo marco regulador das linguas no ensino non universitario.

Fonte: Xunta de Galicia

O presidente da Mesa pola Normalización Lingüística, Carlos Callón, transmitiulle ao director xeral da RTVG nunha xuntanza as queixas de nais e pais por se deixaren de emitir os Teletubbies en galego.

Fonte: Vieiros

O secretario xeral de Política Lingüística, Anxo Lorenzo, participou na homenaxe a Ramón Cabanillas na casa consistorial de Mondariz-Balneario, no día no que se cumpren cincuenta anos do pasamento do poeta cambadés.

Fonte: Xunta de Galicia

As festas e os Encontros dos Axóuxeres convidaron neste 2009 os máis pequenos de Galicia (bebés de 0 a 3 anos) a facer un orixinal percorrido musical polas primeiras palabras e os primeiros xogos. Máis de 3.500 persoas asistiron a esta serie de representacións participativas que percorreron nos meses de outubro e novembro dezanove localidades das catro provincias galegas.

Fonte: Xunta de Galicia

O tenente de alcalde de Vigo, Santi Domínguez, presentou o primeiro dicionario plurilingüe destinado aos turistas, que ten por obxectivo facilitarlles ás persoas que visitan a cidade unha guía para poder comunicarse, ao tempo que "unha pequena introdución" á lingua galega. O dicionario recolle 170 expresións traducidas ás catro linguas do estado, galego, castelán, catalán e éuscaro, así como portugués, inglés, francés, italiano e alemán.

Fonte: Xornal.vigo.org

O Consello da Xunta aprobou o convenio de colaboración entre a Consellería de Educación e Ordenación Universitaria, a través da Secretaría Xeral de Política Lingüística, e a Federación Galega de Municipios e Provincias (Fegamp) para fomentar o uso da lingua galega no ámbito local a través das corporacións municipais.

Fonte: Xunta de Galicia

O secretario xeral de Política Lingüística, Anxo Lorenzo, gabou “a capacidade das entidades e persoas galardoadas cos Premios San Martiño de Normalización Lingüística de facer partícipe a cidadanía do fomento da lingua galega”. Fíxoo durante a súa intervención no acto de entrega destes galardóns que concede a Asociación Cultural O Brado, que tivo lugar no Teatro Principal da Estrada.

Fonte: Xunta de Galicia

O Concello de Vigo organiza nas prazas do Berbés e do Progreso unha Festa Multicultural que ten o obxectivo de fomentar a integración das persoas que proveñen de diferentes países -e empregan diversas linguas-, á vez que se lles dá a coñecer a existencia do galego.

Fonte: CTNL

O Concello de Santiago de Compostela e a Cámara de Comercio convocan o X Premio Manuel Beiras, que ten como finalidade recoñecer o esforzo que realizan as empresas do municipio no proceso de normalización do uso e prestixio da lingua galega.

Fonte: CTNL