Unha das plataformas en defensa da lingua galega que agromaron dende o cambio de goberno da Xunta de Galicia, Prolingua, puxo a disposición dos internautas a súa páxina web.

Fonte: Xornal.com

As persoas usuarias do iPhone xa poden consultar e acceder, a través de diferentes métodos de procura, a todos os termos do dicionario da Real Academia Galega, así como ás súas definicións, sinónimos e antónimos, grazas a esta aplicación.

Fonte: CEG

Un total de 50.000 artigos é a cifra de entradas que acadou a Galipedia, a versión galega da Wikipedia, o pasado 23 de xullo. Esta ferramenta de difusión cultural en galego alcanzou dende o seu nacemento, en marzo de 2003, unha serie de marcas que demostran o pulo que adquiriu nos últimos seis anos e a súa potencialidade de cara ao futuro.

Fonte: Xornal.com

O Grupo Municipal do PP no Concello da Coruña acusou o goberno municipal bipartito de “descoidar” a proxección turística da cidade e de mostrar “escasa sensibilidade” cara aos turistas que a visitan por non ofrecerlles máis folletos en castelán.

Fonte: Xornal.com

O que fora primeiro presidente da Xunta de Galicia, Xerardo Fernández Albor, aposta por "chegar a un consenso" no uso do idioma na educación, ao tempo que considera "bo" que os pais opinen na recente enquisa promovida polo Departamento de Educación.

Fonte: Europa Press

O PSdeG proporá ao Parlamento medidas de promoción do galego para "tomar a temperatura do PP" respecto á cuestión lingüística, segundo anunciou o seu portavoz parlamentario na materia, Francisco Cerviño.

Fonte: El País

Segundo a concelleira de Normalización Lingüística do Concello de Santiago, Guadalupe Rodríguez, o principal obxectivo do campamento é "axudar" á "conciliación" da vida laboral e familiar, aínda que tamén se pretenderá a "inmersión lingüística" dos nenos co obxectivo de que "falen galego" precisamente nun medio "próximo á natureza".

Fonte: Europa Press

O Fórum Metropolitano da Coruña acolle as II Xornadas de Mangalego co obxectivo de promover a participación da xuventude e achegar o idioma galego ás novas xeracións a través de series e películas manga.

Fonte: Galicia Hoxe

Os especialistas galegos da plataforma empresarial IRI para o multilingüismo -formada por tres empresas que pretenden potenciar a normalización das linguas cooficiais no sector empresarial galego, vasco e catalán- alertaron de que a actual "crispación política" en Galicia sobre o idioma e a "falta de axudas" desde a Administración, provocan "impedimentos" para o impulso do galego nas empresas como "factor diferencial" de cara ao público.

Fonte: Europa Press

"Galicia Medieval: reino e lingua" é o título destas xornadas que teñen como obxectivo dar a coñecer a todos os interesados unha época histórica de grande importancia.

Fonte: La Voz de Galicia