O Concello de Pontevedra puxo en marcha unha web coa que aprender a pronunciar as frases esenciais en galego, pensada para que se sintan máis cómodos/as os/as triatletas que participarán na Copa de Europa que terá lugar o 12 de xuño na cidade do Lérez.

Fonte: CTNL

O Ministerio de Fomento ordenoulle á empresa concesionaria da autopista do Atlántico (Autoestradas do Atlántico) e ás unidades provinciais "corrixir" 115 indicadores viarios con topónimos castelanizados, segundo informou a Mesa pola Normalización Lingüística (MNL).

Fonte: Finanzas

A Secretaría Xeral de Política Lingüística vén de anunciar a convocatoria de subvencións para a creación de material educativo en lingua galega. As axudas están dirixidas, concretamente, á elaboración e edición en galego de material didáctico curricular para niveis non universitarios, en soporte impreso ou dixital.

Fonte: Xunta de Galicia

A Consellería de Educación e Ordenación Universitaria convoca os Premios de Innovación en Dinamización Lingüística, unha iniciativa dirixida aos centros de titularidade desta consellería que busca fomentar o desenvolvemento de proxectos educativos innovadores que favorezan o uso da lingua galega.

Fonte: Xunta de Galicia

O Concello de Pontevedra e os centros de ensino do municipio desenvolven a campaña conxunta "A escola, unha oportunidade para aprender", coa que convidan as familias á reflexión sobre a necesidade da súa implicación para que as súas fillas e os seus fillos poidan adquirir plena competencia en lingua galega.

Fonte: CTNL

Unha nova aplicación informática denominada proxecto 'Carvalho' permitirá a tradución automática de textos e palabras de inglés ao galego, a partir dun corpus que xa aglutina uns 71 millóns de termos e que se enmarca no Plan galego de I+D+i 2006-2010.

Fonte: Europa Press

Un total de 113 localidades solicitou as axudas da Secretaría Xeral de Política Lingüística destinadas a fomentar a prestación dun servizo lingüístico en concellos ou agrupacións de concellos con poboación igual ou superior a 3.000 habitantes e mais ao desenvolvemento de programas de fomento do uso do galego.

Fonte: Xunta de Galicia

A Organización Nacional de Cegos Españois (ONCE), a través da súa delegación territorial en Galicia, continúa a impulsar a adaptación de material en lingua galega para atender as necesidades das persoas con discapacidade visual, grazas ao convenio de colaboración que vén de asinar coa Secretaría Xeral de Política Lingüística.

Fonte: Xunta de Galicia

A Secretaría Xeral de Política Lingüística pon en marcha durante os meses de xullo e agosto a segunda quenda de cursos preparatorios para as probas dos niveis 1, 2, 3 e 4 do Certificado de lingua galega (Celga).

Fonte: Xunta de Galicia

A Mesa pola Normalización Lingüística presentou o proxecto 'Abertos ao Galego', co que busca crear unha rede de empresas que aposten pola lingua galega. Esta iniciativa arranca con 62 empresas e está aberta a todos os que o desexen, e que deben cumprir tres requisitos: ter unha disposición favorable cara ao galego, propoñerse obxectivos de mellora e pagar a cota mínima de 48 euros para obter o certificado.

Fonte: 20 minutos