O programa Bocaberta da Secretaría Xeral de Política Lingüística organiza múltiples actividades nos próximos días dirixidas a promover o uso do galego entre os máis novos. O programa levará esta semana actividades para gozar a través da lingua galega a 24 concellos de toda Galicia.

Fonte: Xunta de Galicia

A Secretaría Xeral de Política Lingüística convoca axudas para fomentar o uso do galego desde o ámbito educativo durante o curso escolar 2010-2011. A secretaría xeral destina 50.700 euros para a realización de proxectos de fomento do galego nos centros de ensino de titularidade privada.

Fonte: Xunta de Galicia

O BNG instou o Goberno galego a adoptar as medidas necesarias para posibilitar a recepción do sinal de radiotelevisión portuguesa en Galicia a través da TDT, co fin de avanzar cara á "reintegración lingüística" no mundo galego-portugués como factor "normalizador" da lingua galega.

Fonte: Europa Press

Unha nova iniciativa de Galegolab.org, a plataforma en liña para levar a lingua galega onde xa non se atopa, puxo en marcha na rede unha reivindicación para lembrarlles aos clubs de fútbol que, amais dos seus logros deportivos, tamén poden recoller froitos culturais e lingüísticos.

Fonte: Código Cero

Tanto o núcleo como a documentación do xogo de estratexia "A batalla por Wesnoth" están completamente traducidos ao galego, segundo afirman desde Trasno.

Fonte: Mancomún

O Centro Ramón Piñeiro para a Investigación en Humanidades vén de publicar un novo volume dos seus Cadernos de Fraseoloxía Galega. Trátase do duodécimo número desta revista de investigación fraseolóxica que dirixe Xesús Ferro Ruibal.

Fonte: Xunta de Galicia

A incorporación da lingua galega ao ámbito das ciencias suma un novo impulso coa publicación do Dicionario de Bioloxía. Esta obra de carácter global, que abrangue toda a Bioloxía, inclúe termos en galego relacionados coa Antropoloxía, a Bioquímica e a Bioloxía Molecular, a Zooloxía, a Botánica, a Fisioloxía, a Xenética, a Microbioloxía, a Ecoloxía, a Bioloxía Celular e o Medio Ambiente.

Fonte: Xunta de Galicia

Os mellores trucos e a maxia da palabra son algúns dos eixes principais das actividades que esta semana levará por 22 concellos de Galicia Bocaberta, o programa de dinamización do galego que promove a Secretaría Xeral de Política Lingüística.

Fonte: Xunta de Galicia

A Universidade de Santiago de Compostela (USC) e a Real Academia Galega (RAG) asinarán dous convenios de colaboración por medio dos cales esta institución académica realizará unha gramática do galego actual e un dicionario de apelidos galegos.

Fonte: Europa Press

A Mesa pola Normalización Lingüística reclamou acabar coa "exclusión e indefensión" dos galegofalantes na formación para sacar o permiso de conducir.

Fonte: Galicia Hoxe