Galicia
Os bebés e as súas familias teñen unha nova cita coas cantigas, a música, o teatro e os xogos dos Axóuxeres
Os Axóuxeres 2010-2011 proseguen o seu percorrido polas catro provincias galegas para facer gozar os bebés e as súas familias coas cantigas, a música, o teatro e os xogos en galego.
Fonte: Xunta de Galicia
O programa Bocaberta chega ás 400 actividades nunha semana cargada de maxia e música en galego para os máis novos
Bocaberta 2010-2011, o programa de dinamización do uso do galego que promove a Secretaría Xeral de Política Lingüística para os mozos e mozas de 3 a 18 anos, acada 400 actividades realizadas desde o seu inicio, o pasado mes de outubro.
Fonte: Xunta de Galicia
Política Lingüística e Galaxia contribúen á difusión do ensaio en galego a través dunha nova edición do Premio Ramón Piñeiro
O secretario xeral de Política Lingüística, Anxo Lorenzo; o director xeral da Editorial Galaxia, Víctor F. Freixanes; e o delegado de Gas Natural Fenosa en Galicia, Luis Díaz, presentaron a undécima edición do Premio de Ensaio Ramón Piñeiro.
Fonte: Xunta de Galicia
Educación colabora coas universidades galegas na planificación e coordinación da política lingüística universitaria de Galicia
Contribuír coa política lingüística universitaria en Galicia para favorecer a presenza do galego neste espazo académico. Este é o principal obxectivo da Consellería de Educación e Ordenación Universitaria coa súa incorporación á Comisión Interuniversitaria de Política Lingüística.
Fonte: Xunta de Galicia
A Mesa pola Normalización Lingüística denuncia que a web en galego do Defensor del Pueblo está inzada de erros lingüísticos
A Mesa pola Normalización Lingüística, que integra máis de 4.000 socios, enviou unha queixa á institución do Defensor del Pueblo para lle demandar que permita presentar escritos en galego e, ademais, para que corrixa o "uso moi desleixado" que fai da lingua galega no seu espazo web.
Fonte: Galicia Hoxe
O programa Parellaes promove o intercambio lingüístico galego-catalán e catalán-galego entre alumnos da Universidade de Santiago
Trátase dunha iniciativa académica da área de Catalán do Departamento de Filoloxía Galega para o intercambio lingüístico galego-catalán e catalán-galego entre alumnos da Universidade de Santiago de Compostela que falen estas dúas linguas e desexen aprender, practicar ou mellorar as súas destrezas nestes idiomas.
O mellor da banda deseñada en galego chega a Lalín da man do programa de dinamización lingüística Bocaberta
O secretario xeral de Política Lingüística, Anxo Lorenzo, presentou en Lalín os obradoiros Galimatías, unha actividade encadrada no programa de dinamización lingüística Bocaberta que lles brinda aos máis novos a oportunidade de descubrir os trucos do oficio de debuxante.
Fonte: Xunta de Galicia
Os Axóuxeres enchen a fin de semana de xogos, música, teatro e cantigas en galego para os bebés e as súas familias
O programa dos Axóuxeres enche a fin de semana de música, xogos, teatro e cantigas en galego para os nenos e nenas de 0 a 3 anos e para as súas familias.
Fonte: Xunta de Galicia
Política Lingüística convoca os primeiros cursos en liña dirixidos á formación en galego do persoal da Administración
A Secretaría Xeral de Política Lingüística, en colaboración coa Escola Galega de Administración Pública (EGAP), vén de convocar cursos de linguaxe administrativa galega para o persoal da Administración pública de Galicia.
Fonte: Xunta de Galicia
O galego vehicula o 30 % da docencia na Universidade de Santiago de Compostela
Galego, 30; castelán, 66. Tal sería o titular redondo para ilustrar como se reparte o uso dos idiomas na docencia da Universidade de Santiago de Compostela, tal como informa un documento difundido en O Cartafol Dixital, publicación do Servizo de Normalización Lingüística da Universidade de Santiago.
Fonte: Galicia Hoxe
Boletín
Subscríbase ao boletín
