Unha guía con explicacións en cinco idiomas (galego, castelán, francés, alemán e inglés) e con datos de diferentes traballos realizadas en case 20 anos. O Museo de Viladonga, situado en Castro de Rei, acaba editar unha publicación que pon ao día a historia recente dese lugar.

Fonte: La Voz de Galicia

O conselleiro de Cultura, Educación e Ordenación Universitaria, Jesús Vázquez, e a directora do Instituto Confucio en España, Li Zhang, analizaron as posibles vías de colaboración para establecer bolsas coas que o alumnado galego poida estudar chinés no país oriental.

Fonte: El Correo Gallego

Xa están dispoñibles as bases da nova edición do Premio de Publicidade en Galego 2013 que convoca o Consello Asesor da RTVE en Galicia e a CTRVG. Os galardóns diríxense a recoñecer o traballo despregado polos medios, axencias ou entidades que promovan ou difundan anuncios ou cuñas publicitarias transmitidas integramente en galego.

Fonte: Código Cero

O Concello de Carballo, desde o seu Servizo de Normalización Lingüística (SNL) e en colaboración con diversos medios de comunicación escrita, convoca a décima edición do Premio a artigos xornalísticos normalizadores, un certame xa consolidado que ten como obxectivos promover a reflexión sobre a situación social da lingua galega, crear espazos nos xornais para analizar e fomentar o uso e prestixio do idioma galego e promover o seu uso na prensa.

Fonte: Concello de Carballo

Telegram aspira a converterse nunha alternativa sólida a WhatsApp, coa vantaxe de ser unha solución baseada en software libre, o que permite que, entre outras cousas, sexa posible a súa localización. Isto está a levar a que se poida conseguir o código fonte da aplicación de Telegram para Android en galego grazas ao traballo colaborativo de distintos tradutores.

Fonte: Código Cero

‘Explícoche Matemáticas 2.0’ é un concurso dirixido ao alumnado do Sistema Universitario de Galicia e a estudantes de 3º e 4º de ESO e 1º e 2º de Bacharelato dos centros de educación secundaria de Galicia que promove a Facultade de Matemáticas da Universidade de Santiago de Compostela e a súa Comisión de Normalización Lingüística. O obxectivo é promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes de dous minutos de duración nas que se explique en galego un concepto matemático.

Fonte: Universidade de Santiago de Compostela

O Concello de Oroso convoca unha nova edición do concurso de receitas de Entroido “En galego sabe mellor”. As receitas deben ser típicas do Entroido e estar redactadas en lingua galega.

Fonte: Consello da Cultura Galega

A Secretaría Xeral de Política Lingüística diríxese ás entidades locais (deputacións, concellos, mancomunidades, consorcios e agrupamentos de concellos) para anunciarlles a próxima realización de cursos de lingua galega preparatorios para as probas dos niveis Celga 1, Celga 2, Celga 3 e Celga 4.

Fonte: Consello da Cultura Galega

O libro A tradución galega do Liber de medicina equorum de Giordano Rufo presenta a versión galega do tratado de veterinaria do século XIV De medicina equorum nunha edición que, sen alterar a realidade lingüística que reflicte o códice que a envía, opta pola súa regularización gráfica axudándose doutros elementos co fin de corrixir algunhas das probables deficiencias que o testemuño presenta.

Fonte: Universidade de Santiago de Compostela

A Secretaría Xeral de Medios da Xunta de Galicia publica a convocatoria de subvencións para empresas que editen publicacións periódicas escritas integramente en galego.

Fonte: Consello da Cultura Galega