Un lipdub (un vídeo musical no que os protagonistas fan playback mentres soa a música nun reprodutor móbil dunha canción popular e que é costume realizar nunha soa toma) feito no CPI Virxe da Saleta de Cea a finais do pasado curso en defensa do galego está triunfando nas redes sociais.

Fonte: La Voz de Galicia

O profesor da Universidade da Coruña Xosé Manuel Sánchez Rei reforza con argumentos sólidos a réplica a preconceptos sobre o galego no ensaio Lingua galega e variación dialectal, que acaba de publicar Laiovento.

Fonte: El País

Alumnos e alumnas de Filoloxía Galega da Universidade de Santiago de Compostela visitaron a Secretaría Xeral de Política Lingüística para completar a súa formación académica na materia que están a cursar sobre Planificación sociolingüística da lingua galega.

Fonte: Xunta de Galicia

“Os servizos lingüísticos locais levan a cabo un labor fundamental no fomento do uso e do prestixio do galego, tanto no ámbito interno dos concellos como no seu contorno social”. Así o afirmou o responsable de Política Lingüística, Anxo Lorenzo, que destacou a intención do seu departamento de “continuar apoiando o seu mantemento e as actividades que realizan”.

Fonte: Xunta de Galicia

Alumnos e alumnas da provincia de Ourense teñen estes días a oportunidade de se achegaren á obra e á vida de dous destacados escritores da literatura galega: Lois Pereiro, poeta homenaxeado en 2011 no Día das Letras Galegas, e Xosé Neira Vilas, autor da obra literaria máis lida en galego, Memorias dun neno labrego.

Fonte: Xunta de Galicia

A empresa de telecomunicación R incorporou un servizo á súa páxina web (bildtec.mundo-r.com) para facilitar a comunicación entre persoas xordas e oíntes. Consiste nun intérprete a través de videoconferencia que se activa automaticamente e de maneira gratuíta. O seu funcionamento é sinxelo e non require de aprendizaxe previa. Componse de dúas pantallas táctiles, unha para cada interlocutor, a través dun servizo de intérprete de lingua de signos.

Fonte: El País

Dúas reedicións facsimilares da histórica revista Lar, publicada entre 1924 e 1926, recuperan a obra en galego do escritor Wenceslao Fernández Flórez.

Fonte: Xunta de Galicia

Nesta última convocatoria do VIII Premio Luísa Villalta a iniciativas normalizadoras o xurado premiou ex aequo, na modalidade de ideas de promoción do galego, as comisións de normalización dos centros universitarios do campus lugués polo seu traballo ‘Proxéctate en GALEGO’ e ao estudante da Universidade da Coruña Alejandro Gradaílle por ‘O poder das palabras’.

Fonte: Universidade de Santiago de Compostela

O Dicionario Galego, que está dispoñible no Android Market, é unha nova ferramenta que permite a busca no dicionario de calquera termo en galego que recolla o Dicionario da Real Academia Galega (DRAG) na súa versión de 1997, aínda que os seus creadores están a traballar para poñer en funcionamento unha versión que traballe segundo as definicións do DRAG de 2003, o último.

Fonte: Código Cero

A Mesa pola Normalización Lingüística solicitoulle formalmente á delegación territorial da Axencia Tributaria de Santiago que atenda o público en idioma galego.

Fonte: La Voz de Galicia