Galicia
O conselleiro de Cultura e Educación presenta no Gaiás a programación da Xunta para as Letras Galegas 2014
O conselleiro de Cultura, Educación e Ordenación Universitaria, Xesús Vázquez Abad, presentou na Cidade da Cultura de Galicia a programación promovida pola Xunta de Galicia para conmemorar as Letras Galegas 2014, dedicadas ao poeta e tradutor lucense Xosé María Díaz Castro.
Fonte: Xunta de Galicia
Prolingua denuncia o uso de topónimos deturpados en varios medios estatais nas informacións sobre os temporais en Galicia
O uso de topónimos deturpados teñen posto en pé de guerra a asociación Prolingua que vén de denunciar o uso de nomes das localidades galegas que se usaban no Franquismo.
Fonte: Galicia Confidencial
O Concello de Pontevedra organiza un curso para a dinamización do galego a través do xadrez
O Servizo de Normalización Lingüística do Concello de Pontevedra, en colaboración coa Escola de Xadrez de Pontevedra e a Asociación de Veciños Ponte Muíños, organiza un curso de iniciación ao xadrez, no marco do programa de actividades de dinamización lingüística no ámbito do lecer.
Fonte: Consello da Cultura Galega
A Rede de Dinamización Lingüística da Xunta de Galicia conmemorará o Día Internacional da Lingua Materna 2014 en Ourense
A Rede de Dinamización Lingüística (RDL) da Xunta de Galicia, coordinada desde a Consellería de Cultura, Educación e Ordenación Universitaria, sumarase por segundo ano consecutivo á celebración do Día Internacional da Lingua Materna, que promove a Unesco.
Fonte: Xunta de Galicia
A Facultade de Humanidades de Lugo acolle unha proxección de curtas en lingua de signos producidas polo colectivo IDendeaf
A Facultade de Humanidades do campus de Lugo acubilla un relatorio e unha proxección de curtametraxes en lingua de signos española producidas pola Asociación para a Produción e Formación Audiovisual de Persoas Xordas (IDendeaf).
O IES As Fontiñas participa en Eurocatering, un proxecto de aprendizaxe do léxico da cociña, a hostalería e a recepción
O IES As Fontiñas (Santiago de Compostela) está a desenvolver, en colaboración con outros centros educativos e organismos europeos, o proxecto Eurocatering, un sitio web de aprendizaxe de idiomas dirixido ao estudantado e aos profesionais do ámbito da cociña, a hostalería e a recepción. O proxecto inclúe léxico profesional e actividades didácticas en alemán, esloveno, español, finés, francés, galego, holandés, inglés, irlandés, italiano, noruegués e polaco, así como información sociocultural de utilidade para traballar nos diferentes países de Europa.
Fonte: Consello da Cultura Galega
Cultura e Educación colaborará coa Fundación Eduardo Pondal en actividades de dinamización da lingua e da cultura galegas
O conselleiro de Cultura, Educación e Ordenación Universitaria, Xesús Vázquez Abad, e o presidente da Fundación Eduardo Pondal, José Luis Fondo Aguiar, asinaron un acordo de colaboración para a promoción e difusión das actividades de dinamización da lingua e cultura galegas e o estudo e preservación da obra de Eduardo Pondal.
Fonte: Xunta de Galicia
Cultura e Educación presenta en Santiago o volume XXVII dos “Cadernos Ramón Piñeiro”
O salón de actos do Centro Ramón Piñeiro para a Investigación en Humanidades (CRPIH) acolleu a presentación do volume Cadernos Ramón Piñeiro (XXVII). Cartas a Fermín Penzol nun acto presidido polo secretario xeral de Política Lingüística en representación da Consellería de Cultura e Educación, da que depende o CRPIH.
Fonte: Xunta de Galicia
Preséntase en Santiago o novo corpus dixital aberto do proxecto internacional ‘Tesouro do léxico patrimonial galego e portugués’
O proxecto internacional 'Tesouro do léxico patrimonial galego e portugués’ traballa dende o ano 2007 no rexistro e integración nun único banco de datos dun amplo número de repertorios léxicos galegos, portugueses e brasileiros con referenciación xeográfica concreta das voces contidas neles. Agora, esta iniciativa vaise poñer a disposición das persoas interesadas de xeito libro e gratuíto nun corpus dixital.
Apróbase o informe sobre a iniciativa lexislativa popular que promove o fomento dos vínculos co portugués
Os catro grupos parlamentarios da Comisión de Cultura e Educación aprobaron por unanimidade o informe do relatorio sobre a Iniciativa Lexislativa Popular (ILP) Valentín Paz Andrade, que propón o fomento dos vínculos co portugués para reforzar os lazos entre Galicia e os países da lusofonía.
Fonte: Galicia Hoxe
Boletín
Subscríbase ao boletín
