Galicia
As ciencias gañan os premios á excelencia lingüística da Universidade de Santiago de Compostela
Unha estudante de Bioloxía e un alumno da especialidade de Enxeñería Informática da Escola Técnica Superior de Enxeñería son os gañadores dos premios á excelencia lingüística da Universidade de Santiago de Compostela correspondentes ao curso 2010-2011.
As deputacións da Coruña e de Pontevedra, e os concellos de Santiago e de Ferrol adhírense á Rede de Dinamización Lingüística
As deputacións provinciais da Coruña e de Pontevedra, e os concellos de Santiago de Compostela e de Ferrol suman o seu compromiso á promoción do galego desde o ámbito local coa súa incorporación á Rede de Dinamización Lingüística.
Fonte: Xunta de Galicia
Anxo Lorenzo solicita a colaboración dos colexios oficiais para promover a lingua galega desde o ámbito profesional
O responsable de Política Lingüística, Anxo Lorenzo, recordou o papel fundamental que desempeñan os colexios oficiais para promover a lingua galega nos seus respectivos ámbitos profesionais.
Fonte: Xunta de Galicia
A Xunta de Galicia promove a aprendizaxe de linguas a través de protocolos con Alemaña e Francia
A Consellería de Educación e Ordenación Universitaria explicou que promove a adquisición de coñecementos lingüísticos a través de conversacións e un protocolo co municipio de Berlín e a Acádemie de Amiens, respectivamente.
Fonte: Galicia Hoxe
Os comercios de Lugo repartirán adhesivos en galego nos agasallos de Nadal
Un dos retos máis difíciles aos que se enfronta a lingua galega é a superación das limitacións dos campos de uso, restrinxidos ás veces ao doméstico, ao escolar ou ao administrativo. Por este motivo, a Área de Promoción da Lingua do Concello de Lugo quere difundir o emprego do galego en todos os ámbitos da vida e, coincidindo con esta época do ano, deseñou unha campaña aproveitando os agasallos de Nadal que promove o uso da lingua galega no sector do comercio.
Fonte: Concello de Lugo
A Estrada acollerá un partido a prol da lingua galega entre profesores e funcionarios
A quinta edición do Partido a prol da lingua galega enfrontará na Estrada a unha selección de mestres contra outra de persoal do concello.
Fonte: La Voz de Galicia
A Universidade de Santiago convoca novas edicións dos premios á excelencia e á calidade lingüística dos traballos académicos
As comisións de normalización lingüística de dezaseis centros da Universidade de Santiago de Compostela convocan unha nova edición dos premios á calidade e á excelencia lingüística co obxectivo de fomentar o uso do galego entre o estudantado, ligado ao espallamento da cultura da calidade.
Poñen en marcha unha campaña na rede para que Bing corrixa as deturpacións dos topónimos de Galicia
A CiberIrmandade proponlle á comunidade internauta galega facer fronte común arredor dunha causa específica: pedirlle a Microsoft, responsable de Bing, que corrixa a deturpación dos topónimos galegos.
Fonte: Código Cero
A investigación lingüística sobre o galego avanza con novas bolsas de formación en proxectos do Centro Ramón Piñeiro
A Secretaría Xeral de Política Lingüística dará novos pasos en 2012 para impulsar a investigación sobre a lingua e a cultura galegas. Con este obxectivo levará a cabo unha convocatoria pública de oito bolsas de formación no Centro Ramón Piñeiro para a Investigación en Humanidades (CRPIH).
Fonte: Xunta de Galicia
GalegoLab pecha o ano 2011 con 34 ideas a prol da lingua galega e máis de mil usuarios
A plataforma GalegoLab, dirixida a empregar a rede para a normalización da lingua galega, desenvolveu catorce proxectos grazas ao traballo dos membros da comunidade en liña: en total, 1015 internautas.
Fonte: Código Cero
Boletín
Subscríbase ao boletín
