O secretario xeral de Política Lingüística, Anxo Lorenzo, participou na entrega dos XXI Premios San Martiño de Normalización Lingüística, uns galardóns que, segundo afirmou, “celebran e recoñecen as iniciativas sociais que se desenvolven para a extensión do uso do galego”.

Fonte: Xunta de Galicia

Un total de 584 empregados públicos realizaron en 2011 os cursos en liña de linguaxe administrativa e xurídica galegas, os primeiros que pon en marcha a Xunta de Galicia nesta nova modalidade de formación para reforzar a competencia do persoal das administracións en lingua galega.

Fonte: Xunta de Galicia

O director xeral de Xustiza, Juan José Martínez, afirmou que a Xunta porá a disposición dos cidadáns todos os modelos que se utilizan no Rexistro Civil en galego, nun prazo inferior a 15 días.

Fonte: Europa Press

A Secretaría Xeral de Política Lingüística convoca un concurso de presentacións electrónicas para felicitar o Nadal en lingua galega. Logo da ampla participación acadada na primeira edición da iniciativa, en 2010, con máis dun cento de propostas recibidas, a secretaría xeral pon de novo en marcha este concurso, co que busca promover a presenza do galego na comunicación propia das festas de Nadal e tamén no ámbito das tecnoloxías.

Fonte: Xunta de Galicia

A Rede de Dinamización Lingüística está a preparar o deseño do programa de actividades que poñerá en marcha durante o próximo ano para promover a extensión social do galego desde o ámbito local.

Fonte: Xunta de Galicia

El Corte Inglés lanzará o vindeiro día 25 de novembro un novo lector de libros electrónicos que mide 166,66 x 114 x 10 milímetros, pesa 190 gramos e destaca por contar con menús en español, inglés, francés, alemán, italiano, neerlandés, catalán, éuscaro e galego.

Fonte: Código Cero

Xa está dispoñible unha nova aplicación para coñecer mellor os verbos galegos e as súas variantes: ConxuGalego. Trátase dunha ferramenta que nos permite, co emprego dun dispositivo con Android, introducir o infinitivo de calquera verbo en galego, ben sexa regular ou irregular, e obter a súa conxugación en todas as súas diferentes formas.

Fonte: Código Cero

A mellora da competencia en galego do persoal da Administración Xeral do Estado que presta os seus servizos en Galicia é un obxectivo que comparten a Xunta e o Instituto Nacional de Administración Pública (INAP).

Fonte: Xunta de Galicia

Un novo proxecto de radio en lingua galega vén de aparecer na rede: anfiteatrogzradio. A súa intención é a de encher as 24 horas do día con programación de diversos contidos, coa finalidade de crear unha emisora en galego que fomente os grupos musicais galegos, a literatura galega... e todo canto teña cabida no mundo da cultura.

Fonte: SNL de Redondela

Un lipdub (un vídeo musical no que os protagonistas fan playback mentres soa a música nun reprodutor móbil dunha canción popular e que é costume realizar nunha soa toma) feito no CPI Virxe da Saleta de Cea a finais do pasado curso en defensa do galego está triunfando nas redes sociais.

Fonte: La Voz de Galicia