Máis de mil persoas subscribiron o manifesto 'Queremos xustiza para a nosa lingua: non á criminalización na súa defensa!, co fin de trasladar o seu apoio ás persoas denunciadas polo xuíz decano da Coruña, Antonio Fraga Mandían, tras esixirlle que cumpra a Lei de normalización lingüística e respecte a toponimia.

Fonte: Galicia Hoxe

Máis do 20 % dos profesores do sistema educativo galego que recibe formación en idiomas para mellorar os seus coñecementos lingüísticos de cara á súa posterior aplicación nas aulas xa opta por novas linguas, como árabe ou ruso, e tamén alemán ou portugués.

Fonte: La Opinión

Este servizo ten como obxectivo mellorar a atención ás mulleres inmigrantes, pois facilita a comunicación en 51 idiomas.

Fonte: Xunta de Galicia

A xente nova emprega a lingua galega na casa, pero á hora de relacionarse cos amigos prefiren o castelán. É unha das conclusións que mostran as 275 enquisas elaboradas polo IES Pintor Colmeiro entre os seus alumnos para coñecer a realidade sociolingüística.

Fonte: Faro de Vigo

Dispoñer dunha estimación da cota do mercado de consumidores en lingua galega en internet é, segundo o economista Carlos Neira, "un dato básico para quen desenvolve proxectos dixitais no noso idioma e/ou plurilingües". Xa que logo, este coñecido investigador, especializado en análises sociopolíticas de Galicia, elaborou un documento no que explica que existen, aproximadamente, uns 189 825 lectores habituais de galego en internet.

Fonte: Culturagalega.org

GalApps, a suite de aplicacións de lingua galega para Android, permite conxugar verbos en galego, buscar o significado de termos galegos e traducir textos do galego ao español, catalán, inglés ou francés, e viceversa. Agora, esta é a gran novidade, tamén se pode facer en dispositivos de Apple.

Fonte: Código Cero

A Xunta de Galicia e as tres universidades galegas mantiveron unha xuntanza para seguir avanzando nas actuacións que desenvolven de maneira conxunta para fomentar o uso do galego no ámbito universitario.

Fonte: Xunta de Galicia

O secretario xeral de Política Lingüística, Valentín García, mantivo un encontro institucional coa primeira tenente de alcalde do Concello de Vilagarcía de Arousa, Marta Rodríguez Arias, no que puideron compartir os intereses dos gobernos autonómicos e local a prol da extensión social da lingua galega.

Fonte: Xunta de Galicia

O Centro de Información á Muller da Coruña incorpora un servizo de teledradución para mellorar a atención ás mulleres e vítimas de violencia de xénero inmigrantes, que ofrece sen custo a Secretaría Xeral de Igualdade, e facilitará a comunicación en 51 idiomas.

Fonte: Xunta de Galicia

A Escola Galega de Administración Pública ofrece 33 cursos dos niveis medio e superior de linguaxe administrativa galega, tanto na modalidade presencial como de teleformación.

Fonte: EGAP