Galicia
Segundo un estudo, o galego, comparado con outras linguas europeas, sofre unha importante falta de recursos tecnolóxicos
O galego adoece do necesario desenvolvemento de tecnoloxías da lingua de calidade, o que o relega a posicións moi por debaixo doutras linguas europeas no tocante, por exemplo, á investigación e á divulgación científica. Esta é a conclusión que se extrae do Libro branco sobre o galego que vén de facer público a rede pan-europea de excelencia Meta-Net, da que forman parte 44 centros de investigación de 31 países.
Fonte: Universidade de Vigo
A Universidade de Santiago acollerá o curso Inglés Xurídico Internacional, o único deste tipo que se imparte en Galicia
Cunha carga lectiva de 100 horas, a Facultade de Dereito da Universidade de Santiago de Compostela acollerá nos tres primeiros meses do vindeiro ano a segunda edición do curso Inglés Xurídico Internacional.
Os apoios ao escrito contra a marxinación do galego nos medios xa superan os 3000 nunha soa semana
O pasado 10 de outubro presentouse un escrito contra a marxinación do galego nos medios de comunicación que recibiu xa, a tan só unha semana da presentación do sitio http://marxinaciondogalegonosmedios.es, o apoio de máis de 3000 persoas e colectivos de variados ámbitos, profesións e opcións ideolóxicas.
Fonte: Galicia Hoxe
A Universidade de Vigo convoca as súas axudas á investigación en lingua galega
Co fin de fomentar o uso do galego nos proxectos de investigación no ámbito universitario, a Área de Normalización Lingüística da Universidade de Vigo convoca, un ano máis, as axudas á investigación en lingua galega.
Fonte: Universidade de Vigo
Anxo Lorenzo presenta no Parlamento as actuacións de Política Lingüística para promover o uso do galego entre os máis novos
O secretario xeral de Política Lingüística, Anxo Lorenzo, presentou en sede parlamentaria as iniciativas que está a levar a cabo o seu departamento a prol da dinamización do galego nas franxas de idade máis novas. Con este obxectivo, explicoulles aos grupos parlamentarios o traballo realizado nos últimos meses para promover o idioma “no sector da poboación onde se fai máis necesaria unha actuación efectiva en dinamización lingüística”, dixo.
Fonte: Xunta de Galicia
Publícanse as primeiras listaxes cos resultados definitivos das probas Celga de 2011
A Secretaría Xeral de Política Lingüística fixo públicas as primeiras listaxes cos resultados definitivos das probas Celga de 2011, para a certificación do coñecemento de lingua galega.
Fonte: Xunta de Galicia
Unha tese de doutoramento feita na Universidade de Vigo analiza o proceso de creación de neoloxismos na prensa escrita hispana
Mª del Carmen Méndez, unha investigadora da Universidade de Vigo, analizou na súa tese de doutoramento máis de 1217 periódicos de España e Hipanoamérica. A finalidade era, segundo explica, “primeiro, constatar as diferenzas da creación léxica entre o español de España e Hispanoamérica; segundo, dar fe de formacións neolóxicas no corpus do estudo; terceiro, confirmar as diferenzas diatópicas e, cuarto e último, comprobar as particularidades da morfoloxía no español da prensa”.
Fonte: Universidade de Vigo
A VII Xornada de Normalización Lingüística de Ferega ofrécelles aos docentes recursos para promover o galego desde a escola
O responsable de Política Lingüística, Anxo Lorenzo, participou na inauguración da VII Xornada de Normalización Lingüística organizada polas Escolas Católicas de Galicia (Ferega-Ceca). Durante o acto, que tivo lugar en Santiago de Compostela, o secretario xeral subliñou “o importante traballo que leva realizando durante anos Ferega-Ceca a prol da dinamización lingüística desde os centros de ensino”.
Fonte: Xunta de Galicia
A diversidade lingüística e cultural do Camiño protagoniza un congreso no que participan expertos de diversos puntos de Europa
A diversidade lingüística e cultural do Camiño de Santiago protagonizou un congreso na capital galega que congregou numerosos expertos na materia de diversos puntos de Europa.
Fonte: Xunta de Galicia
O Premio da Crítica de Galicia 2011 en investigación galardoa a un dos autores dun traballo sobre a convivencia das linguas
O catedrático da Universidade de Santiago de Compostela e responsable do ciclo de divulgación científica ConCiencia, Jorge Mira, recibiu o Premio da Crítica de Galicia 2011 na modalidade de investigación por liderar o traballo ‘A importancia da similitude interlingüística e o bilingüismo estable cando dúas linguas compiten’, realizado con Luís Seoane e Juan Nieto.
Boletín
Subscríbase ao boletín
