Galicia
A Mesa pola Normalización Lingüística pídelle ao novo alcalde da Coruña que non recupere o topónimo en castelán
O voceiro da Mesa pola Normalización Lingüística, Carlos Callón, repetiulle a petición do seu colectivo ao alcalde da Coruña, Carlos Negreira, para que non cumpra cunha das súas promesas electorais estrela, a recuperación do topónimo castelán.
Fonte: La Voz de Galicia
Tui conmemora o primeiro acto público celebrado integramente en galego hai 120 anos nos Xogos Florais
A Concellería de Cultura de Tui conmemora o 120 aniversario da celebración na cidade dos Xogos Florais de Galicia, que tiveron lugar do 24 ao 26 de xuño do ano 1891 e que marcan un singular fito na historia de Galicia, ao ser o primeiro acto público celebrado integramente en lingua galega.
Fonte: Galicia Hoxe
Política Lingüística publica a nova orde que actualiza os contidos de formación en linguaxe administrativa e xurídica galegas
A Secretaría Xeral de Política Lingüística vén de facer pública a nova orde pola que se regulan os cursos de linguaxes administrativa e xurídica galegas, de nivel medio e superior, dirixidos principalmente a mellorar a capacitación lingüística das traballadoras e dos traballadores públicos.
Fonte: Xunta de Galicia
O poeta e catedrático de Lingua Galega Ramón Lorenzo recibiu o Premio Trasalba en recoñecemento da súa defensa do galego
A Fundación Otero Pedrayo homenaxeou o poeta e catedrático de Lingua Galega Ramón Lorenzo co XXIX Premio Trasalba, que recoñece unha vida e un traballo dedicado á defensa do idioma galego.
Fonte: Europa Press
A capacitación lingüística en galego da cidadanía avanza da man das novas tecnoloxías
A Xunta de Galicia xa dispón dunha nova modalidade de formación para mellorar a capacitación lingüística en galego do persoal ao servizo das administracións públicas. Trátase dos primeiros cursos en liña de linguaxe administrativa e xurídica galegas.
Fonte: Xunta de Galicia
Desaparece 'Galicia Hoxe', o único diario impreso en lingua galega
Xa non hai ningún diario impreso escrito en galego. O martes día 28 de xuño chega aos quioscos o último dos 2943 números de Galicia Hoxe, a cabeceira que, desde o 17 de maio de 2003, mantiña na rúa o Grupo Correo Gallego.
Fonte: El País
Un curso de verán da Universidade de Santiago achega contidos sobre dereitos lingüísticos aos estudantes de Dereito
A lexislación vixente sostén que os graduados en Dereito en Galicia deben estar preparados para satisfaceren na súa actividade profesional os dereitos lingüísticos dos cidadáns recoñecidos na Constitución, o Estatuto de Autonomía ou a Lei de normalización lingüística tales como poder dirixirse en galego á Administración pública con sede en Galicia e esixir o seu uso.
Anxo Lorenzo recorda o papel de Fermín Bouza Brey na introdución do uso do galego no ámbito da xustiza
O responsable de Política Lingüística, Anxo Lorenzo, recordou o labor realizado por Fermín Bouza Brey a prol da lingua galega no ámbito da xustiza. Fíxoo no acto de homenaxe organizado pola Irmandade Xurídica Galega, que promoveu a instalación dun busto do maxistrado en Pontevedra, na praza que leva o seu nome.
Fonte: Xunta de Galicia
Chegan ás aulas de infantil novos recursos audiovisuais para reforzar a aprendizaxe do galego
A pota que trota, Os sete cabritos e Fiz, o coleccionista de medos son os títulos dos tres contos en formato audiovisual que a Secretaría Xeral de Política Lingüística distribuíu este mes de xuño nos centros educativos de Galicia e tamén nas aulas hospitalarias da comunidade.
Fonte: Xunta de Galicia
A Real Academia Galega elaborará un informe con causas e posibles solucións ante o peche de xornais en galego
A Real Academia Galega (RAG) elaborará un informe que profundará nas causas e posibles solucións ante a mingua do espazo da comunicación en Galicia tras a "desaparición" de varios medios en galego, o máis recente Galicia Hoxe.
Fonte: Galicia Hoxe
Boletín
Subscríbase ao boletín
