Ademais de Xornal.com, nas últimas datas pecharon outros medios de comunicación como Galicia Hoxe, o único diario impreso integramente en galego, así como o semanario A Nosa Terra, que tamén era editado en lingua galega. Outros proxectos de comunicación nesta lingua, pero editados en internet, tamén se foron pechando como o caso de Vieiros.

Fonte: Europa Press

Cómpre recordar que este ano o número de auxiliares nativos que chegarán ás aulas galegas ascende a 361, dos que 339 serán de conversa, 18 sénior e o resto froito duns convenios de colaboración asinados pola Consellería de Educación e outras entidades estranxeiras.

Fonte: Xunta de Galicia

O responsable de Política Lingüística, Anxo Lorenzo, recibiu a estudantes polacos que están a aprender lingua, literatura e cultura galegas na Universidade de Varsovia, así como á súa profesora lectora de galego, Ana Garrido.

Fonte: Xunta de Galicia

O conselleiro de Educación e Ordenación Universitaria, Xesús Vázquez, e o reitor da Universidade de Santiago de Compostela, Juan J. Casares Long, asinaron un convenio de colaboración que lle permitirá ao Instituto da Lingua Galega continuar avanzando no desenvolvemento da súa actividade científica.

Fonte: Xunta de Galicia

Manuel Bragado, director de Edicións Xerais e presidente da Asociación Galega de Editores, adiantou que nas vindeiras semanas os editores abrirán unha plataforma de contidos dixitais en lingua galega.

Fonte: Código Cero

O presidente da Federación de Asociacións de Persoas Xordas de Galicia, Feliciano Sola, reivindicou a necesidade de conservar un servizo de intérpretes da lingua de signos para poder manter a comunicación das persoas xordas co resto da sociedade.

Fonte: La Opinión

O sacerdote e investigador Elixio Rivas presentou un amplo estudo, baixo o título de A videira e o viño, que recolle o léxico e as expresións relacionadas co mundo da viticultura e o viño.

Fonte: La Voz de Galicia

A Consellería de Educación e Ordenación Universitaria e o Ministerio de Educación asinaron un convenio de colaboración en virtude do cal o departamento estatal destinará 1,3 millóns de euros a potenciar a formación lingüística de alumnos e profesores.

Fonte: Galicia Hoxe

O responsable de Política Lingüística, Anxo Lorenzo, participou nos actos organizados no concello da Estrada a prol dun maior uso do galego no ámbito da xustiza.

Fonte: Xunta de Galicia

Europa é un continente plurilingüe e Galicia achega, nese contexto, un elemento valioso para a súa diversidade: o galego. Co fin de poñer en valor e de dar a coñecer esta riqueza, cada 26 de setembro, desde 2001, celébrase o Día Europeo das Linguas.

Fonte: Xunta de Galicia