A Secretaría Xeral de Política Lingüística publicará novas axudas para a edición de libros de texto en galego e para a promoción do idioma nos concellos. Así o afirmou o responsable do departamento, Anxo Lorenzo, que compareceu no Parlamento para responder dúas preguntas formuladas polos grupos do Partido Popular (PP) e do Bloque Nacionalista Galego (BNG).

Fonte: Xunta de Galicia

As xornadas ‘Os medios en galego, importan?’ e o I Certame de Comedia Curta en Galego ‘Somos a curta’ son dúas actividades coas que a Comisión de Normalización Lingüística da Facultade de Ciencias da Comunicación tentará reflexionar sobre o futuro do xornalismo e contribuír ao mesmo tempo á normalización da lingua galega dende o contexto audiovisual.

Fonte: Universidade de Santiago

Xa se pode configurar o navegador Tomtom para que fale en galego ou na fala dos canteiros. Rinoceronte Editora pon a disposición do público os arquivos para mudar a lingua do navegador. Dúas voces en galego, unha masculina e unha feminina, e mais unha versión na lingua dos canteiros están xa dispoñibles.

Fonte: Culturagalega.org

A Asociación de Persoas Xordas de Vigo convocou o seu I Certame de Curtametraxes en lingua de signos e invitan a todas as persoas xordas afeccionadas a realizar vídeos ou películas curtas a participar coas súas propias producións.

Fonte: Diario Signo

As plataformas galegas Meubook e Redelibros acaban de pór en marcha a primeira edición do Certame de Relatos Tempos Dixitais. O concurso, destinado a fomentar a creatividade e a escrita en lingua galega nas redes e ferramentas sociais, as 2.0, xorde cunha clara vontade social de espallamento da lectura.

Fonte: Código Cero

O manifesto denuncia a marxinación do galego nos medios de comunicación privados de Galicia. Un dos seus obxectivos é que xornais, radios e televisións utilicen o galego no 50% dos seus espazos ou programacións.

Fonte: Galicia Confidencial

Expertos en onomástica recomendan ás persoas que teñan un apelido pouco común e que queiran conservalo, que o cambien no rexistro.

Fonte: La Voz de Galicia

O responsable de Política Lingüística, Anxo Lorenzo, participou na inauguración do VI Ciclo de Escritores/as na Universidade, onde destacou o importante papel da literatura tanto para a promoción do galego como para a difusión e a fixación da súa variedade estándar.

Fonte: Xunta de Galicia

O secretario xeral de Política Lingüística, Anxo Lorenzo; o secretario xeral de Medios, Alfonso Cabaleiro; e a delegada da Xunta de Galicia en Vigo, Lucía Molares, participaron na entrega dos XVIII Premios de Publicidade en Galego, uns galardóns que concede o Consello Asesor de RTVE-G (Radio Televisión Española en Galicia) e CRTVG (Compañía de Radio Televisión de Galicia) e que recoñecen a creatividade das empresas e axencias a través de anuncios en lingua galega para radio, televisión e internet.

Fonte: Xunta de Galicia

O responsable de Política Lingüística, Anxo Lorenzo, afirmou que “a industria editorial galega está a realizar un importante esforzo para situar o sector no escenario de progreso, modernidade e innovación que Galicia precisa”.

Fonte: Xunta de Galicia