Galicia

Os concellos pontevedreses reciben as axudas para normalización e dinamización lingüística convocadas pola Deputación

Un total de 34 concellos e a Entidade Local Menor de Bembrive vanse beneficiar das axudas para dinamización lingüística convocadas polo Servizo de Cultura e Lingua da Deputación de Pontevedra que teñen como obxectivo que as administracións locais poidan crear ou manter un servizo de normalización ou desenvolver programas de fomento do galego.

Fonte: Deputación de Pontevedra

O secretario xeral de Política Lingüística participa na presentación da V Noite Branca de Lalín

O secretario xeral de Política Lingüística, Valentín García, participou na presentación da V Noite Branca de Lalín, que organizan a Asociación de Empresarios do Deza e o Centro Comercial Aberto de Lalín coa participación de 110 establecementos comerciais e hostaleiros.

Fonte: O Portal da Lingua Galega

O Centro de Investigación TIC da Universidade da Coruña participa nun proxecto de formación en lingüística computacional

Persoal investigador do Centro de Investigación TIC (CITIC) está a participar no proxecto Erasmus Class con outras doce universidades europeas e asiáticas co obxectivo de axudar a universidades de Kazhakhstán e Uzbekistán a desenvolver os seus propios mestrados interdisciplinares en lingüística computacional.

Fonte: Código Cero

Só un de cada catro traballos de fin de grao ou mestrado na Universidade de Santiago está en galego

Dos 3309 traballos de fin de grao (TFG) defendidos en 2017 na Universidade de Santiago, 2456 estaban en castelán (74,2%), 725 en galego (21,9%) e 72 en inglés. No caso dos traballos de fin de mestrado (TFM), presentáronse 1164, dos cales 275 (23,5%) estaba en galego e 828 (71%) en castelán.

Fonte: Sermos Galiza

Os Bolechas e o Amigo Monte chegan o sábado a Teo da man do Falaredes

Os Bolechas e o amigo Monte, a nova proposta da familia animada máis famosa de Galicia para este verán, chegará o sábado da man do Falaredes á localidade coruñesa de Teo, en cuxo Auditorio Constante Liste da Ramallosa se poderá gozar a partir das 12.00 horas.

Fonte: O Portal da Lingua Galega

A app Bus do IES Eduardo Blanco Amor de Culleredo recibe o IV Premio Inventa en Galego

Valentín García Gómez entregou no IES Menéndez Pidal da Coruña os premios da IV edición do concurso ‘Inventa en galego’, convocado por Igaciencia co apoio da Secretaría Xeral de Política Lingüística. No mesmo acto tamén se celebrou a entrega dos premios ‘Sensores para todos’, que perseguen facer unha utilización tecnoloxicamente interesante dos sensores de Arduino ou Lego.

Fonte: O Portal da Lingua Galega

Valentín García entrega os premios AX1 de Banda Deseñada e Guillermo Domínguez de Ensaio Subversivo

O secretario xeral de Política Lingüística, Valentín García, participou no acto de entrega dos premios do Certame de Banda deseñada AX1 e do Premio de Ensaio Subversivo Guillerme Domínguez, que tivo lugar na biblioteca do IES Arcebispo Xelmírez I.

Fonte: O Portal da Lingua Galega

O Concello de Vigo presenta o seu programa de actividades de dinamización do galego para o verán

Un ano máis o Concello de Vigo organiza unha nova edición do programa “No verán… un conto”, unha iniciativa que coa que pretende impulsar o uso do galego no ámbito do lecer e que está dirixida ao público infantil, familiar e adulto.

Fonte: Consello da Cultura Galega

Nace Radio Picariña, a primeira canle dixital de música infantil e xuvenil en galego

A Radio Galega estrea a súa primeira canle dixital de música infantil e xuvenil, Radio Picariña, que ofrece un milleiro de cancións en galego que se poderán escoitar da listaxe de reprodución tanto dende un ordenador persoal como a través de dispositivos móbiles.

Fonte: Código Cero

A Real Academia Galega incorpora ao seu Dicionario novos termos como aporofobia, ciberseguridade ou blogosfera

Algunhas das novas entradas que se incluíron no Dicionario da Real Academia Galega son ciberataque, ciberacoso, conectividade, xestor – a de comunidade, corremundos, microscopia etc., termos que foron sancionados polo Seminario de Lexicografía que ademais revisou preto de 2200 voces desta ferramenta de referencia da lingua galega.

Fonte: Real Academia Galega

Boletín

Subscríbase ao boletín

4 + 5 =
Logo Feder