Galicia

O boletín do Centro de Estudos e Documentación Europeos da Universidade de Santiago incorpora a lingua sarda aos seus contidos

O Boletín CeDe USC publica no seu último número un primeiro artigo de difusión escrito en lingua sarda, orientado a dar a coñecer esta lingua minoritaria.

Fonte: Universidade de Santiago de Compostela

O Concello da Coruña abre a inscrición para os obradoiros de curtametraxes en galego

O Concello coruñés abre o prazo de inscrición para os obradoiros de iniciación ás curtametraxes en galego, unha actividade organizada no marco do programa Educa.

Fonte: La Opinión de A Coruña

Valentín García participa na presentación da obra 'Contacto de linguas, hibridade, cambio: contextos, procesos e consecuencias'

O secretario xeral de Política Lingüística da Consellería de Cultura, Educación e Ordenación Universitaria, Valentín García, participou na presentación da obra Contacto de linguas, hibridade, cambio: contextos, procesos e consecuencias, coeditada polo Consello da Cultura Galega e mais o Instituto da Lingua Galega da Universidade de Santiago de Compostela.

Fonte: Xunta de Galicia

Cultura e Educación acompaña a Xosé Neira Vilas na presentación de ‘Homenaxe a Neira Vilas e a Balbino’, editada por Ir Indo

A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou na presentación da obra Homenaxe a Neira Vilas e a Balbino, editada recentemente por Ir Indo.

Fonte: Xunta de Galicia

O Concello de Carballo organiza unha nova edición do Obradoiro de integración lingüística e cultural

O Servizo de Normalización Lingüística do Concello de Carballo organiza unha nova edición do Obradoiro de integración lingüística e cultural, destinado ás persoas nacidas fóra de Galicia.

Fonte: Consello da Cultura Galega

Cultura e Educación colabora co Concello de Teo no I Certame de Cantautores e Cantautoras en galego

A Consellería de Cultura, Educación e Ordenación Universitaria, por medio da Secretaría Xeral de Política Lingüística, colabora co Concello de Teo –entidade pertencente á Rede de Dinamización Lingüística da Xunta de Galicia– na convocatoria do I Certame da Canción de Autor en Galego.

Fonte: Xunta de Galicia

O PSdeG pide a lingua de signos nos informativos dos medios públicos

A deputada do PSdeG, Carmen Gallego, acaba de presentar unha iniciativa no Parlamento que reclama que os medios de comunicación públicos de Galicia empreguen este sistema lingüístico, polo menos, en todos os espazos informativos.

Fonte: Galicia Confidencial

Bota a andar a terceira edición do Club de Debate, que busca a dinamización lingüística e cultural no ámbito educativo

Os concellos de Ames, Carballo, O Carballiño, Ferrol, Pontevedra, Rois, Santiago de Compostela e Teo poñen en marcha a terceira edición do Club de Debate. O proxecto, organizado polos seus respectivos servizos de normalización lingüística, ten como obxectivo a dinamización lingüística e cultural no ámbito educativo, fomentando a fluidez comunicativa en galego, o pensamento crítico e o respecto pola diversidade de opinións.

Fonte: Consello da Cultura Galega

A Mesa pola Normalización Lingüística solicítalles á TVG e a unha produtora que o DVD da serie Batman inclúa versión en galego

A Mesa pola Normalización Lingüística dirixiuse á TVG e á produtora Warner Bros para solicitarlles que entre ambas fagan posible que o DVD da serie Batman dos anos sesenta, que chegará ao mercado ao longo de 2014, inclúa tamén a pista de dobraxe en galego.

Fonte: El Correo Gallego

A Universidade de Vigo pon en marcha un programa de aprendizaxe de idiomas a través da práctica deportiva

A iniciativa Train & Talk do Servizo de Deportes é “un programa no que os participantes poderán adestrarse nas súas disciplinas favoritas ao tempo que coñecen xente e melloran as súas competencias orais en diversos idiomas” explica Javier Rial, responsable do devandito servizo.

Fonte: Universidade de Vigo

Boletín

Subscríbase ao boletín

Logo Feder