A Real Academia Galega participou, representada polo seu presidente, no acto que o Concello de Vigo organizou no Pazo de Castrelos con motivo do Día Nacional de Galicia.

Fonte: Real Academia Galega

A Consellería de Cultura, Educación e Ordenación Universitaria vén de facer públicos, mediante resolucións, os resultados provisionais das probas de obtención da Certificación do coñecemento de lingua galega (Celga) nos seus catro niveis.

Fonte: Xunta de Galicia

O conselleiro de Cultura, Educación e Ordenación Universitaria, Xesús Vázquez Abad, participou no Carballiño na celebración da IV edición da Festa da Palabra na que foi homenaxeado o escritor Celso Emilio Ferreiro con motivo do centenario do seu nacemento.

Fonte: Xunta de Galicia

A Mesa pola Normalización Lingüística da Coruña denunciou que é "misión imposible" atopar en galego a programación completa das Festas de María Pita 2012. Segundo aclara a entidade, a ausencia de información na lingua propia non se debe á que estean esgotados os folletos, senón a que "nin tan sequera se chegaron a editar", tal e como recoñeceu o Consorcio de Turismo da Coruña a través do Twitter.

Fonte: Praza Pública

A Consellería de Cultura, Educación e Ordenación Universitaria, en colaboración coa Deputación de Ourense vén de presentar un novo programa de actividades destinado aos concellos e entidades que forman parte da Rede de Dinamización Lingüística (RDL), o primeiro proxecto global de promoción da lingua impulsado polo Goberno galego, que xa conta con máis de 120 entidades que participan nel.

Fonte: Xunta de Galicia

A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, inaugurou na sala de exposicións do Edificio do Arquivo de Betanzos a mostra “Querido Balbino, 1961-2011. 50 anos de Memorias dun neno labrego”.

Fonte: Xunta de Galicia

No marco da campaña Proba en galego, unha trintena de empresas de distintos ámbitos da cidade de Pontevedra asinaron este 1 de agosto un decálogo de compromisos coa lingua galega.

Fonte: Coordinadora de Traballadores/as de Normalización da Lingua

A Asociación Cultural Proxecto Trasno vai participar na quinta edición do Premio ao Mellor Proxecto Fin de Carreira (PFC) con Software Libre cun recoñecemento ao labor de promoción do galego nas novas tecnoloxías da información.

Fonte: Código Cero

O Servizo de Normalización Lingüística da Confederación de Empresarios de Galicia, co obxectivo de proporcionar aos hostaleiros e restauradores a posibilidade de que traduzan os seus menús á lingua galega, realizou unha aplicación terminolóxica dixital con máis de 300 pratos do castelán para o galego.

Fonte: CEG

A Consellería de Cultura, Educación e Ordenación Universitaria, representada no seu secretario xeral de Política Lingüística e presidente da Rede de Dinamización Lingüística (RDL), Valentín García, e mais a vicepresidenta da Deputación de Pontevedra, Ana Isabel Rodríguez, presentaron na cidade do Lérez Redecinema, no marco da que chegará o filme Vilamor a concellos pontevedreses pertencentes á RDL.

Fonte: Xunta de Galicia