Galicia
Román Rodríguez acompaña a Xosé Neira Vilas na presentación do seu novo libro 'Semente galega en América'
O conselleiro de Cultura, Educación e Ordenación Universitaria, Román Rodríguez, quixo acompañar hoxe ao escritor e académico da lingua galega Xosé Neira Vilas na presentación do seu novo libro “Semente galega en América”, un catálogo de galegos e galegas aos que o crucense máis universal homenaxea por deixaren a súa semente creadora e innovadora nas terras de alén do Atlántico. Ao longo das súas páxinas, o autor destaca neste libro, editado por Bolanda, a débeda de América con Galicia como terra de promisión de forza, de saber e de xenio creador da emigración galega.
Fonte: Xunta de Galicia
Cultura e Educación leva ‘Estamos no verán!!!’ A Malpica, Nogueira de Ramuín e Vilamarín, no marco do ‘FalaRedes'
Os concellos de Malpica de Bergantiños, Nogueira de Ramuín e Vilamarín gozarán esta fin de semana da música en directo de Xoán Curiel e a súa banda no marco do FalaRedes que a Consellería de Cultura, Educación e Ordenación Universitaria leva por cuarto ano aos concellos adscritos á Rede de Dinamización Lingüística (RDL) da Xunta de Galicia.
Fonte: Xunta de Galicia
Cultura e Educación leva "Estamos no verán!!!" a Malpica de Bergantiños, Nogueira de Ramuín e Vilamarín
Os concellos de Malpica de Bergantiños, Nogueira de Ramuín e Vilamarín gozarán da música en directo de Xoán Curiel e a súa banda no marco do FalaRedes que a Consellería de Cultura, Educación e Ordenación Universitaria leva por cuarto ano aos concellos adscritos á Rede de Dinamización Lingüística (RDL) da Xunta de Galicia.
Fonte: Xunta de Galicia
A "palabra" cobrará este ano un protagonismo especial na feira das industrias culturais de Galicia
O vindeiro mes de decembro celebrarase en Pontevedra unha nova edicicón do Culturgal, a feira das industrias culturais de Galicia, que este ano terá a "palabra" como protagonista.
Fonte: Praza Pública
As formacións políticas galegas asinarán un manifesto a favor da normalización do galego
As formacións políticas galegas, agás o Partido Popular, asinarán no día do 130 aniversario do pasamento de Rosalía de Castro a "Declaración de unidade a prol da normalización da lingua galega".
Fonte: Sermos Galiza
Publícase unha edición especial de "De catro a catro" no aniversario do nacemento de Manuel Antonio
O diario Sermos Galiza publica unha versión en formato epub do poemario de Manuel Antonio De catro a catro para celebrar os 115 anos do seu nacemento.
Fonte: Sermos Galiza
Román Rodríguez visita o alumnado que participa nas estadías de inmersión lingüística no centro educativo dos Peares
O conselleiro de Cultura, Educación e Ordenación Universitaria, Román Rodríguez, visitou no complexo educativo dos Peares os alumnos e alumnas que participan no programa de estadías de inmersión lingüística en lingua inglesa promovidos polo Goberno galego e que se enmarcan dentro do Plan de Potenciación das Linguas Estranxeiras.
Fonte: Xunta de Galicia
O conselleiro de Cultura e Educación lembra a Ramón de Valenzuela
O conselleiro de Cultura, Educación e Ordenación Universitaria, Román Rodríguez, recordou o emblemático escritor silledense Ramón de Valenzuela, con motivo do acto inaugural da XII Forxa Literaria, organizada pola Fundación Paco Lareo "A Solaina" de Piloño.
Fonte: Xunta de Galicia
Cultura e Educación convoca 8 bolsas de formación en proxectos de investigación do Centro Ramón Piñeiro
O Diario Oficial de Galicia (DOG) publicou a orde da Consellería de Cultura, Educación e Ordenación Universitaria pola que se convocan 8 bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades (CRPIH). O texto completo da convocatoria está dispoñible en www.lingua.gal.
Fonte: Xunta de Galicia
Cultura e Educación convoca 8 bolsas de formación en proxectos de investigación do Centro Ramón Piñeiro
O Diario Oficial de Galicia (DOG) publicou a orde da Consellería de Cultura, Educación e Ordenación Universitaria pola que se convocan 8 bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades (CRPIH). O texto completo da convocatoria está dispoñible en www.lingua.gal.
Fonte: Xunta de Galicia
Boletín
Subscríbase ao boletín