Galicia

Manuel María será o homenaxeado nas Letras Galegas de 2016

A Real Academia Galega fixo público o resultado da votación para designar a persoa homenaxeada no Día das Letras Galegas de 2016. Desta volta, o homenaxeado será o escritor chairego Manuel María. Con el, o número de homes homenaxeados ascende a 52, fronte a tan só 3 mulleres.

Fonte: Praza Pública

A Xunta celebra a decisión da RAG e prepara a homenaxe que Galicia lle vai render a Manuel María no Día das Letras Galegas

A Xunta de Galicia congratúlase pola decisión da Real Academia Galega (RAG) de dedicar o Día das Letras de 2016 a Manuel María Fernández Teixeiro, e traballa xa na homenaxe que todas as galegas e galegos lle van render ao poeta chairego o vindeiro ano.

Fonte: Xunta de Galicia

Achégase o peche de matrícula para os cursos intensivos do Centro de Linguas Modernas

O próximo venres 10 remata o prazo para matricularse nos cursos intensivos de iniciación do Centro de Linguas Modernas da Universidade de Santiago de Compostela. Actualmente, hai prazas para estudar catalán, chinés, grego moderno, húngaro, italiano, lingua de signos, polaco, portugués, ruso, xaponés e xaponés para preparar o exame NOKEN 4.

Fonte: Universidade de Santiago de Compostela

Docentes e estudantes de 20 países asisten aos cursos de español da USC

Docentes e estudantes de case 20 países asisten aos cursos de lingua e cultura españolas para estudantes estranxeiros e de formación de profesores de español como lingua estranxeira da Univeresidade de Santiago de Compostela.

Fonte: Universidade de Santiago de Compostela

A Xunta completará a migración dos seus portais ao dominio .gal en 2016

A Xunta prevé que o 30 % dos seus portais e servizos da administración pública empreguen o .gal ao acabar 2015 e que o proceso se complete en 2016.

Fonte: Galicia Confidencial

A Mesa celebra que a RAG escollese o poeta Manuel María como figura homenaxeada no Día das Letras Galegas de 2016

A Mesa pola Normalización Lingüística congratúlase pola elección do poeta e incansable activista Manuel María como figura homenaxeada do Día das Letras Galegas de 2016.

Fonte: A Mesa pola Normalización Lingüística

A rede de centros plurilingües da Consellería de Cultura e Educación acada os 256 centros educativos autorizados

A Consellería de Cultura, Educación e Ordenación Universitaria incorporará no curso 2015/2016 un total de 36 novas escolas á rede de centros plurilingües, ata sumar un total de 256.

Fonte: Xunta de Galicia

O secretario xeral de Política Lingüística inaugura en Carballo o XI curso de verán sobre dinamización lingüística

O secretario xeral de Política Lingüística, Valentín García, inaugurou en Carballo o XI curso de verán sobre dinamización lingüística "Traballando en lingua. Mudanzas e afianzamentos lingüísticos na sociedade", que organiza a Universidade da Coruña en colaboración coa Consellería de Cultura, Educación e Ordenación Universitaria, o Concello de Carballo e a Coordinadora de Traballadores/as de Normalización da Lingua.

Fonte: Xunta de Galicia

As asociacións culturais do país renderán unha homenaxe memorable a Manuel María no Día das Letras de 2016

Asociacións como a Mesa pola Normalización Lingüística, a Asociación Socio-Pedagóxica Galega ou a Asociación de Escritores e Escritoras en Lingua Galega manifestaron o seu compromiso por render unha homenaxe memorable a Manuel María no Día das Letras Galegas de 2016.

Fonte: Sermos Galiza

Román Rodríguez felicita os galardoados cos Premios á Cultura e á Investigación da Deputación de Pontevedra

O conselleiro de Cultura, Educación e Ordenación Universitaria, Román Rodríguez, participou na entrega de Premios á Cultura e á Investigación que outorga a Deputación de Pontevedra.

Fonte: Xunta de Galicia

Boletín

Subscríbase ao boletín

Logo Feder