A Universidade de Vigo (UVigo) e a Secretaría Xeral de Política Lingüística celebran por cuarto ano consecutivo a xornada Día das Redes Galegas. O secretario xeral de Política Lingüística, Valentín García, acudiu ao salón de graos da Facultade de Ciencias Sociais e da Comunicación do Campus de Pontevedra para inaugurar un encontro que busca analizar o papel das redes sociais no século XXI e poñer en valor a figura dos responsables de comunidades virtuais a través da experiencia de profesionais formados na propia facultade.

Fonte: O Portal da Lingua Galega

O secretario xeral de Política Lingüística, Valentín García, participou en Vigo na inauguración da exposición "O Día das Letras Galegas. 55 anos de historia".

Fonte: O Portal da Lingua Galega

Centros de ensino secundario de 43 concellos coruñeses acollerán as actividades de fomento do galego organizadas pola Deputación da Coruña no marco da campaña "O galego: a miña lingua" que ten como obxectivos potenciar o uso desta lingua entre a xente nova e fortalecer a súa identidade lingüística.

Fonte: Deputación da Coruña

A Mesa pola Normalización Lingüística acusa a Axencia Tributaria de obstaculizar o dereito da cidadanía a facer a declaración da renda en galego. Concretamente, sinalan que esta Administración carece de servizo telefónico de atención nesta lingua para informar sobre a actual campaña.

Fonte: Galicia Confidencial

Cadernos de lingua, publicación da Real Academia Galega nacida en 1990, chega ao número 36 coa estrea dunha plataforma web que axudará a impulsar a difusión das investigacións sobre a lingua galega a nivel internacional.

Fonte: Real Academia Galega

O gravado, de principios do século XV, encóntrase en dúas tellas encontradas en Castro Caldelas que se depositarán no futuro museo antropolóxico da Ribeira Sacra, cuxa apertura está prevista para xullo. A importancia desta inscrición reside en que se trata do documento epigráfico en barro máis antigo en lingua galega.

Fonte: La Región

A Deputación da Coruña convoca unha nova edición do concurso de música infantil e xuvenil "Quero Cantar", cuxa finalidade é fomentar o uso da lingua galega, así como a creatividade poética e musical.

Fonte: CTNL

Pontevedra acolleu un ano máis unha nova edición do Galegote Rock, o festival de bandas en lingua galega impulsado desde o Concello. A programación inclúe grupos de diferentes estilos, como soul, indie, rock, rap, trap, sempre co galego como fío condutor.

Fonte: Pontevedra Viva

Estes dous novos medios en galego son Xornal de Vigo, centrado na actualidade política, económica, cultural, deportiva e social do sur da provincia de Pontevedra; e Adiante.gal, unha plataforma aberta para difundir información e análise da actualidade social e política de Galicia.

Fonte: Culturagalega.org

A Consellería de Cultura, Educación e Ordenación Universitaria, a través da Secretaría Xeral de Política Lingüística, e Feiraco lanzan un ano máis a campaña das Letras Galegas 2018, na que se inclúen unha serie de accións de dinamización da lingua galega coas que a cooperativa agrogandeira galega se suma á festa do 17 de maio desde o ámbito socioeconómico.

Fonte: O Portal da Lingua Galega