Galicia
A Escola Galega de Administración Pública convoca actividades de formación lingüística para o persoal da Administración local
A oferta formativa inclúe os seguintes cursos:“Redacción de documentos técnico-xurídicos en galego”, “A calidade da redacción administrativa. Técnicas para mellorala” e “Manual de estilo do DOG e outras publicacións institucionais”.
Fonte: Consello da Cultura Galega
Convócanse axudas para a creación de obras audiovisuais en galego
A Axencia Galega das Industrias Culturais (Agadic) subvenciona obras audiovisuais, en versión orixinal en galego, con vocación artística e cultural.
Fonte: Consello da Cultura Galega
Santiago de Compostela acolle a presentación da obra "Modelos de lingua e compromiso"
A Libraría Pedreira é o lugar onde se vai presentar este volume que está coordinado por Xosé Manuel Sánchez Rei e editado por Baía Edicións.
Fonte: Consello da Cultura Galega
A Universidade da Coruña organiza un maratón de lectura de textos traducidos ao galego
Baixo o título “No galego cabe o mundo”, a Facultade de Filoloxía acolle entre os días 13 e 17 de abril este maratón de lectura.
Fonte: Universidade da Coruña
O Auditorio Municipal de Ourense acolle a celebración da Festa da Lingua
A Federación Española de Relixiosos de Ensinanza foi a encargada de organizar, como cada ano, esta festa á que acudiron arredor de cincocentos nenos e nenas.
Fonte: Faro de Vigo
A Universidade de Santiago convoca unha nova edición do seu concurso de curtas que busca promover o uso do galego no audiovisual
O IV Premio de pezas audiovisuais curtas de comedia "Somos a curta!" ten como finalidade fomentar o emprego do galego nos novos valores do audiovisual en Galicia.
Fonte: Consello da Cultura Galega
Mellorar o discurso oral en galego do alumnado é o obxectivo dun obradoiro organizado pola Universidade de Santiago
O obradoiro “Mellora o teu discurso oral” ten como obxectivo proporcionar ferramentas que melloren o discurso oral do alumnado, a través da adquisición de habilidades sociais e comunicativas, así como de competencias discursivas e lingüísticas orais.
Fonte: Consello da Cultura Galega
O Concello de Pontevedra pon en marcha un obradoiro sobre recursos lingüísticos dirixido á mocidade
O obradoiro “Recursos da nosa lingua para o tempo libre” ten como finalidade ofrecer ferramentas para crear espazos de socialización en galego no ámbito do lecer.
Fonte: Consello da Cultura Galega
A Universidade da Coruña acolle unhas xornadas sobre a Galipedia, a enciclopedia libre en galego
As xornadas celébranse na Facultade de Informática durante os días 16 e 17 de abril.
Fonte: Universidade da Coruña
Preséntase en Pontevedra a primeira revista de rugby editada en lingua galega
O salmón oval, que terá unha periodicidade mensual, é unha revista sobre rugby que se edita en Pontevedra e na que se utiliza o galego co obxectivo de normalizar o seu uso neste deporte.
Fonte: Pontevedra Viva
Boletín
Subscríbase ao boletín
