Galicia
A Deputación da Coruña convoca o VI Premio “Rosalía de Castro” de Lingua e Cultura 2015
Este premio ten como finalidade principal recoñecer as iniciativas, persoas ou entidades que traballan a prol da promoción social e a dignificación da lingua e a cultura galegas.
Fonte: Consello da Cultura Galega
Ames convoca unha nova edición do seu certame literario que busca fomentar os novos valores da literatura en galego
O certame ten dúas modalidades (narrativa e poesía) e en cada unha hai tres categorías, segundo a idade dos participantes.
Fonte: Consello da Cultura Galega
Arranca a actividade Tradición 2.0 do proxecto de dinamización lingüística Dragal no que participan este ano 659 estudantes
A Consellería de Cultura, Educación e Ordenación Universitaria pon en marcha, por medio da Secretaría Xeral de Política Lingüística, unha nova actividade no marco do proxecto de dinamización lingüística Dragal.
Fonte: Xunta de Galicia
Entréganse os Premios á edición en lingua galega no ano 2014
A Asociación Galega de Editores entregou os X Premios Ánxel Casal, que recoñecen o traballo editorial en galego dos seus membros ao longo do ano.
Fonte: Consello da Cultura Galega
O Concello de Santiago convoca un concurso de vídeo-creación para promover o galego nos centros de ensino
O II Concurso de vídeo-creación para centros de ensino ten como obxectivo promover o uso do galego na comunidade educativa e na súa contorna. O prazo para a entrega dos traballos finaliza o 2 de maio de 2015.
Fonte: Consello da Cultura Galega
Redondela organiza un novo ciclo de cine en galego
A finalidade deste ciclo é ofrecer actividades de lecer en galego e mostrar a súa riqueza e utilidade para as creacións audiovisuais.
Fonte: SNL de Redondela
Cultura e Educación mantén a convocatoria de estadías para que o alumnado mellore as súas competencias en lingua inglesa
A Consellería de Cultura, Educación e Ordenación Universitaria fai de novo este ano un importante esforzo a prol da aprendizaxe de idiomas coa convocatoria de 682 prazas para que o alumnado mellore as súas competencias en lingua inglesa en estadías lingüísticas.
Fonte: Xunta de Galicia
A Coordinadora de Traballadores/as de Normalización da Lingua busca participantes para poñer en marcha varios proxectos
Esta organización vai crear uns grupos de traballo para a mellora e o desenvolvemento dalgúns proxectos que teñen planificados para os vindeiros meses.
Fonte: CTNL
A Universidade de Vigo publica un libro sobre hidronimia galega
A Universidade de Vigo acaba de presentar a obra póstuma de Edelmiro Bascuas Hidronimia paleoeuropea gallega, traducida, prologada e editada polo profesor Gonzalo Navaza.
Fonte: Universidade de Vigo
TeleLugo emite un debate sobre a situación actual da lingua galega
O programa semanal Lugo a Debate tratará a situación do galego nun debate no que participarán representantes do mundo da Xustiza, do ensino e da Mesa pola Normalización Lingüística.
Fonte: El Progreso
Boletín
Subscríbase ao boletín
