Galicia
O Dicionario de Sinónimos do Galego, editado pola Universidade de Vigo, supera xa as 100 000 consultas
O Dicionario de Sinónimos do Galego, elaborado polos docentes Xosé Mª Gómez Clemente, Xavier Gómez Guinovart e Alberto Simões, superou as 100 000 consultas en liña e o millar de descargas en Google Play.
Fonte: Universidade de Vigo
Os Premios da Cultura Galega recoñecen o labor da Coordinadora Galega de Equipos de Normalización e Dinamización Lingüística
Na modalidade de Lingua dos Premios da Cultura Galega 2015 o galardón é para a Coordinadora Galega de Equipos de Normalización e Dinamización Lingüística, unha entidade creada en 2009 coa intención de coordinar actividades e experiencias e de servir de canle para as iniciativas, inquietudes e propostas relacionadas coa nosa lingua.
Fonte: Xunta de Galicia
Santiago de Compostela e Ourense acollerán actividades de dinamización lingüística no marco do proxecto Apego
Estas dúas cidades acollerán no mes de outubro actividades dirixidas a promover a transmisión lingüística en galego na familia, actividades que se enmarcan no proxecto Apego.
Fonte: Consello da Cultura Galega
A Consellería de Cultura e Educación subliña que a sentenza do TC volve ratificar a legalidade do decreto do plurilingüismo
A Consellería de Cultura, Educación e Ordenación Universitaria considera que a sentenza do Tribunal Constitucional –que vén de desestimar o recurso interposto pola Real Academia Galega (RAG) contra o Decreto do plurilingüismo– reforza e ratifica a legalidade do devandito texto normativo.
Fonte: Xunta de Galicia
A versión en castelán da Wikipedia non respecta a toponimia oficial de Galicia
A versión española da Wikipedia non recolle os topónimos oficiais galegos e ofrece a súa versión en castelán. Moitos deles xa foron corrixidos grazas aos comentarios xurdidos nas redes sociais ao respecto.
Fonte: La Voz de Galicia
O Concello de Negreira pon en marcha tres iniciativas para promover o uso do galego
As iniciativas, que se desenvolverán no mes de outubro son: Avelaíños e Rebuldeiros (encontros dirixidos a familias con nenos/as de entre 0 e 6 anos), o Club de lectura en galego Barcala e o Curso de galego oral.
Fonte: Concello de Negreira
Valentín García inaugura as exposicións do Premio Proxecto Didáctico Antonio Fraguas
O Secretario xeral de Política Lingüística, Valentín García, e o presidente do Padroado da Fundación Antonio Fraguas Fraguas, Justo Beramendi, inauguraron as exposicións ‘Lavadores. Pasado e presente da nosa parroquia’ e ‘A paisaxe lendaria e toponímica do Concello de Silleda’.
Fonte: Xunta de Galicia
Claudio Otero presenta a obra sobre as fábricas de curtidoiros de Chantada galardoada co VII Certame Condado de Pallares
Claudio Otero Eiriz presentou o seu libro A Chantada fabril. Os curtidoiros do Asma na Idade Contemporánea, obra coa que gañou o Certame de Investigación Condado de Pallares.
Fonte: Xunta de Galicia
Nace Tanxente, unha revista dixital en lingua galega
Tanxente comezou a súa actividade este mes de setembro que busca situarse coma un punto de información sobre as últimas tendencias, exposicións, películas, deportes ou viaxes.
Fonte: Galicia Confidencial
Marcos Calveiro gaña o Premio de Narrativa Breve Repsol 2015, que convoca a Fundación Repsol co apoio de Cultura e Educación
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, deu a coñecer na Coruña o ditame do xurado da IX edición do Premio de Narrativa Breve Repsol, que recaeu no escritor Marcos S. Calveiro pola obra Fontán.
Fonte: Xunta de Galicia
Boletín
Subscríbase ao boletín
