Este concurso está dirixido á comunidade educativa e ten como obxectivo fomentar o uso oral do galego e contribuír a que esta lingua se converta en instrumento normal de comunicación e creación de historias.

Fonte: Consello da Cultura Galega

O curso Achégate ao galego (nivel 1), de 40 horas de duración, está dirixido a todas as persoas que queiran ampliar e perfeccionar a súa competencia lingüística en lingua galega.

Fonte: Consello da Cultura Galega

TERGAL, que está dispoñible en liña, é un banco de datos terminolóxico en galego, con equivalencias en linguas estranxeiras, concibido como unha ferramenta de orientación para as persoas que manexan linguaxes de especialidade.

Fonte: Consello da Cultura Galega

Kristian Hanto, do Centro Universitario de Svalbarda, realizou un estudo comparativo da situación do galego e do nynorsk, analizando as estratexias en política lingüística nos dous países.

Fonte: Galicia Confidencial

A Consellería de Cultura e Educación, por medio da Secretaría Xeral de Política Lingüística, apoia o labor de promoción do uso do galego dos equipos de dinamización da lingua galega (EDLG) dos centros de ensino coa publicación de dúas convocatorias de axudas destinadas tanto a centros docentes públicos coma a privados.

Fonte: Xunta de Galicia

Estes dous premios, un de investigación e outro de creación literaria, teñen como obxectivo recoñecer o talento en lingua galega do alumnado preuniversitario así como darlle a coñecer a propia Universidade de Vigo.

Fonte: Universidade de Vigo

A Federación de Asociacións de Pais de Alumnos (Fampa) convoca este certame para fomentar a creatividade e o emprego do galego como vehículo da expresión literaria que consta de catro categorías: Primaria, Secundaria, Bacharelato e FP e sénior.

Fonte: Faro de Vigo

O segundo número de Olga. Revista de Poesía Galega en Madrid réndelle tributo a Sabino Torres, escritor e editor galego falecido en maio do pasado ano.

Fonte: O Portal da Lingua Galega

Gogs, un servizo Git (software de control de versións) para desenvolvedores de software de código aberto, xa conta con versión en galego, cuxo responsable é David A. Lareo.

Fonte: Código Cero

Con motivo do centenario do pasamento de Eduardo Pondal, a Consellería de Cultura, Educación e Ordenación Universitaria, xunto coas fundacións Eduardo Pondal, Rosalía de Castro e Curros Enríquez, está a impulsar unha homenaxe a estes tres autores do Rexurdimento galego, que se fará en colaboración cos concellos implicados, Ponteceso, Padrón e Celanova.

Fonte: O Portal da Lingua Galega