Galicia
A aplicación do Xabarín Club convértese na primeira con programación infantil en galego
O programa Xabarín Club xa conta coa súa propia aplicación que ten entre os seus obxectivos difundir e dinamizar a lingua galega entre os máis pequenos de forma divertida.
Fonte: Cine y Tele
A Escola Oficial de Idiomas da Coruña organiza un obradoiro de iniciación á curtametraxe en galego
Este obradoiro realízase no marco do proxecto anual de promoción do Festival CinEOI Coruña 2017 e será impartido por Omar Rabuñal Varela (realizador, guionista e actor).
Fonte: Consello da Cultura Galega
O Centro de Documentación Sociolingüística de Galicia presenta o novo produto documental De ducia en ducia pola lingua
A iniciativa componse dunha ducia de taboleiros temáticos que mostran o patrimonio documental galego xerado no proceso de normalización lingüística.
Fonte: Consello da Cultura Galega
‘Luar na lubre’ celebra trinta anos contribuíndo á promoción do uso do galego desde a música
O secretario xeral de Política Lingüística acompañou o grupo galego na rolda de prensa de presentación do traballo discográfico conmemorativo do seu 30º aniversario. O responsable da Secretaría Xeral gabou a traxectoria da banda na proxección da lingua e da cultura propias de Galicia.
Fonte: Xunta de Galicia
O Tribunal Europeo de Dereitos Humanos non admite a demanda da RAG contra o decreto do plurilingüismo
O Tribunal Europeo de Dereitos Humanos (TEDH) de Estrasburgo decidiu non admitir a demanda que a Real Academia Galega presentou contra o decreto do plurilingüismo no ensino.
Fonte: Sermos Galiza
Presentan en Compostela o Protocolo para a Garantía dos Dereitos Lingüísticos
Entidades sociais galegas presentaron en Santiago de Compostela o Protocolo para a Garantía dos Dereitos Lingüísticos asinado en Donostia hai unhas semanas.
Cantos na Maré lembrará a Narf con Guadi Galego, Manecas Costa, Paulo Flores, Celina da Piedade e Kátya Teixeira
Cantos na Maré, o Festival Internacional da Lusofonía, presentou en Pontevedra o programa da súa décimo terceira edición, que se celebrará no Pazo da Cultura da cidade do Lérez. A homenaxe a Fran Pérez ‘Narf’ e a música de Guadi Galego xunto coa do guineano Manecas Costa, a do angolano Paulo Flores, a da portuguesa Celina da Piedade e a da brasileira Kátya Teixeira centrarán unha das primeiras grandes citas musicais de 2017.
Fonte: Xunta de Galicia
Vinte e catro concellos da Rede de Dinamización acollen durante esta semana "Nadal en Rede"
Un total de 24 novos concellos acollerán as propostas do programa de dinamización lingüística "Nadal en Rede" que ofrece unha intensa axenda cargada de obradoiros musicais e de xogos e xoguetes en galego, concertos didácticos, teatro de monicreques e encontros cos Bolechas, entre outras propostas, para promover o uso do galego nas celebracións destas datas.
Fonte: Xunta de Galicia
"Irmandade" convértese na palabra do ano en galego
"Irmandade" é a palabra do ano 2016 en lingua galega. Este foi o resultado dunha votación realizada no Portal das Palabras, proxecto que comparten a Real Academia Galega e a Fundación Barrié para a modernización do traballo lexicográfico e a difusión do galego.
Fonte: Real Academia Galega
A Axencia Galega das Industrias Culturais convoca axudas para obras audiovisuais en galego
Estas axudas para o ano 2017 están destinadas á creación de obras audiovisuais, en versión orixinal en lingua galega, con decidida vocación artística e cultural.
Fonte: Consello da Cultura Galega
Boletín
Subscríbase ao boletín
