Galicia
A Deputación da Coruña convoca un concurso musical infantil para fomentar o uso do galego e a creatividade poética
Trátase da segunda edición do concurso “Quero Cantar”, co que se pretende promover a utilización do galego, así como a creatividade poética e musical entre os rapaces e rapazas de ata 16 anos.
Fonte: Consello da Cultura Galega
A Xunta conmemora o Día Internacional da Lingua Materna
Os conselleiros de Cultura, Educación e Ordenación Universitaria, Román Rodríguez; e Política Social, José Manuel Rey Varela; visitaron a Escola Infantil Tras Parlamento co gallo da celebración do Día Internacional da Lingua Materna, unha conmemoración coa que a Unesco quere impulsar o coñecemento e a práctica das linguas maternas en todos os eidos da sociedade.
Fonte: O Portal da Lingua Galega
Pídenlle ao Concello do Carballiño que se una ao programa Apego de promoción do galego nas familias
A formación Alternativa Veciñal do Carballiño proporá no próximo pleno que o Concello se una ao programa Apego, un proxecto encamiñado a fomentar o uso do galego nas familias con nenas e nenos entre 0 e 6 anos.
Fonte: La Voz de Galicia
Preséntase no CGAC un estudo pioneiro de Siro López sobre as orixes do humorismo en Cervantes
O humorista gráfico e caricaturista ferrolán Siro analiza no ensaio que se presenta no Centro Galego de Arte Contemporánea, en Santiago de Compostela, a aparición do humorismo na literatura universal coa obra O Quixote, de Cervantes.
Fonte: O Portal da Lingua Galega
O conselleiro de Cultura participa en Braga co ministro de Educación portugués na mesa redonda ‘Convergências Portugal-Galiza’
O conselleiro de Cultura, Educación e Ordenación Universitaria, e mais o ministro de Educación de Portugal, o doutor Tiago Brandão Rodrigues, participaron no salón nobre da Universidade do Minho na mesa redonda da 3ª Semana Cultural ‘Convergências Portugal-Galiza’.
Fonte: O Portal da Lingua Galega
Convócase un premio a proxecto de webserie en galego
O Festival de Contidos Dixitais Carballo Interplay convoca o Premio a proxecto de webserie en galego, cuxa contía deberá destinarse á produción de, polo menos, tres capítulos que deben estar en versión orixinal en galego.
Fonte: Consello da Cultura Galega
Marín acolle a presentación do documental “Por obra e gracia do idioma”
A proxección do documental Por obra e gracia do idioma de Andrea Bernárdez está organizada pola Asociación Queremos Galego Marín. Nel faise unha reflexión sobre a realidade lingüística en Galicia por medio de entrevistas a diferentes persoeiros do ámbito político e cultural.
Fonte: Consello da Cultura Galega
A Mesa pola Normalización Lingüística presenta un informe sobre a situación do galego na Educación Infantil de 3 a 6 anos
A Mesa pola Normalización Lingüística presentou o seu informe anual A lingua na educación infantil en Galicia de 0 a 3 anos, que mostra como nas cidades só o 8,5% dos centros imparte clases maioritariamente en galego, fronte ao 76% que imparte a maioría ou todas as súas clases en castelán.
Fonte: Praza Pública
Román Rodríguez participa na celebración do 180 aniversario do nacemento de Rosalía
O conselleiro de Cultura, Educación e Ordenación Universitaria, Román Rodríguez, participou nos actos organizados pola Fundación Rosalía de Castro na súa casa da Matanza, en Padrón, para celebrar o Día de Rosalía co gallo do 180 aniversario do nacemento da escritora.
Fonte: O Portal da Lingua Galega
Un equipo de investigación da Universidade de Santiago crea un método para practicar e estudar a fonética inglesa
O método EPSS (English Pronunciation for Speakers of Spanish. From Theory to Practice), que se presenta en soporte DVD, está especialmente adaptado a falantes de español.
Boletín
Subscríbase ao boletín
