A Consellería de Cultura e Educación, por medio da Secretaría Xeral de Política Lingüística, apoia o labor de promoción do uso do galego dos equipos de dinamización da lingua galega (EDLG) dos centros de ensino coa publicación de dúas convocatorias de axudas destinadas tanto a centros docentes públicos coma a privados.

Fonte: Xunta de Galicia

Estes dous premios, un de investigación e outro de creación literaria, teñen como obxectivo recoñecer o talento en lingua galega do alumnado preuniversitario así como darlle a coñecer a propia Universidade de Vigo.

Fonte: Universidade de Vigo

A Federación de Asociacións de Pais de Alumnos (Fampa) convoca este certame para fomentar a creatividade e o emprego do galego como vehículo da expresión literaria que consta de catro categorías: Primaria, Secundaria, Bacharelato e FP e sénior.

Fonte: Faro de Vigo

O segundo número de Olga. Revista de Poesía Galega en Madrid réndelle tributo a Sabino Torres, escritor e editor galego falecido en maio do pasado ano.

Fonte: O Portal da Lingua Galega

Gogs, un servizo Git (software de control de versións) para desenvolvedores de software de código aberto, xa conta con versión en galego, cuxo responsable é David A. Lareo.

Fonte: Código Cero

Con motivo do centenario do pasamento de Eduardo Pondal, a Consellería de Cultura, Educación e Ordenación Universitaria, xunto coas fundacións Eduardo Pondal, Rosalía de Castro e Curros Enríquez, está a impulsar unha homenaxe a estes tres autores do Rexurdimento galego, que se fará en colaboración cos concellos implicados, Ponteceso, Padrón e Celanova.

Fonte: O Portal da Lingua Galega

A profesora da Universidade de Vigo Celia Vázquez acaba de publicar Stevenson e a tenrura da súa poesía infantil, un volume que inclúe, en versión inglesa e galega, os poemas de A Child’s Garden of Verses .

Fonte: Universidade de Vigo

O escritor Carlos Casares contará na súa cidade natal cun roteiro que percorrerá a súa traxectoria vital e literaria a través de 20 placas de cerámica nas que se reproducen diversos fragmentos da súa obra.

Fonte: O Portal da Lingua Galega

A segunda edición do Concurso Balbino de Relatos premiará o mellor traballo inspirado no rural galego. A iniciativa, que inclúe como premio 1500 euros e a publicación da obra por Edicións Fervenza, pretende “ser un estímulo para todas as persoas que queiran promover e dar a coñecer Galicia e a súa lingua e cultura propias desde as temáticas máis vencelladas á nosa tradición, idiosincrasia ou costumes”, tal e como detallou o secretario xeral de Política Lingüística, Valentín García.

Fonte: O Portal da Lingua Galega

A Consellería de Cultura, Educación e Ordenación Universitaria publica no Diario Oficial de Galicia a convocatoria de axudas para que ata 150 universitarios realicen estadías no estranxeiro para mellorar o seu nivel en linguas estranxeiras.

Fonte: Xunta de Galicia