Galicia
Valentín García participa na apertura do curso da Real Academia de Medicina e Cirurxía de Galicia
O secretario xeral de Política Lingüística, Valentín García, participou na Coruña no acto inaugural do curso académico 2017 da Real Academia de Medicina e Cirurxía de Galicia.
Fonte: O Portal da Lingua Galega
Preséntase unha guía en galego sobre o patrimonio cultural e natural de Mondariz
A guía Mondariz, auga de amores. Guía do patrimonio cultural e natural está impresa en galego, editada no marco da liña de axudas para a dinamización lingüística da Deputación de Pontevedra, e inclúe un código QR para consultar os contidos tamén en español e inglés.
Fonte: Faro de Vigo
A Biblioteca Pública Ánxel Casal de Santiago de Compostela organiza un concurso de cartas de amor en galego
As persoas maiores de 14 anos poderán participar neste concurso de cartas de amor en galego que esta biblioteca compostelá organiza co gallo da celebración do Día de San Valentín.
Fonte: Galicia Confidencial
Un ano máis a Asociación de Escritores e Escritoras en Lingua Galega promove a celebración do Día de Rosalía de Castro
Co gallo da celebración do Día de Rosalía de Castro, a Asociación de Escritores e Escritoras en Lingua Galega propón, entre outras iniciativas, que o 24 de febreiro se regale un libro en galego e unha flor.
Fonte: Consello da Cultura Galega
O congreso ‘A presenza feminina na escritura’ afondará na figura da muller nos textos medievais
O secretario xeral de Política Lingüística, Valentín García, inaugurou no Centro Ramón Piñeiro para a Investigación en Humanidades (CRPIH) o congreso internacional “A presenza feminina na escritura. Voces de mulleres na idade media”.
Fonte: O Portal da Lingua Galega
O dominio .gal para a lingua e a cultura galegas será máis barato en febreiro para celebrar o Día de Rosalía
A Asociación PuntoGAL ofrece unha importante rebaixa do dominio ao longo do mes de febreiro aproveitando a celebración do Día de Rosalía de Castro.
Fonte: Galicia Confidencial
A Mesa pola Normalización Lingüística e CIG-Ensino reclaman un novo marco xurídico para o galego no sistema educativo
Ambas as organizacións reclaman un novo marco xurídico que poña fin á "actual exclusión do galego" no sistema educativo por mor da aplicación da Lomce e do decreto do plurilingüismo.
Fonte: Galicia Confidencial
A compañía Norwegian homenaxea a Rosalía de Castro nun dos seus avións polo seu papel na defensa da lingua e a cultura galegas
A compañía aérea norueguesa Norwegian incorpora a imaxe de Rosalía de Castro a un dos seus avións para reivindicar o seu papel na recuperación do galego como lingua de cultura e como matriarca das letras galegas.
Fonte: Galicia Confidencial
Valentín García asiste na Coruña á homenaxe a Sebastián Martínez Risco
O secretario xeral de Política Lingüística, Valentín García, asistiu ao acto de homenaxe a Sebastián Martínez Risco nos 40 anos do seu falecemento que se celebrou na sede da RAG na Coruña.
Fonte: O Portal da Lingua Galega
A iniciativa “LGx15, Ideas para o futuro da lingua” pon na rede todos os vídeos da súa última edición
Xa están dispoñibles na web da iniciativa LGx15 todas as charlas que se impartiron na súa última edición, posta en marcha pola Coordinadora de Traballadores/as de Normalización da Lingua.
Fonte: Culturagalega.org
Boletín
Subscríbase ao boletín
