Galicia
Nace o Portal Xurídico Galego en prol dun dereito na lingua propia de Galicia
O vicepresidente da Xunta, Alfonso Rueda, e o conselleiro de Cultura, Educación e Ordenación Universitaria, Román Rodríguez, participaron na presentación do Portal Xurídico Galego, unha nova ferramenta creada en prol do uso da lingua propia de Galicia no exercicio do dereito na nosa Comunidade.
Fonte: O Portal da Lingua Galega
O catálogo de Nadal de Abertos ao Galego promove a compra de regalos nesta lingua
As empresas asociadas á iniciativa Abertos ao galego, impulsada pola Mesa pola Normalización Lingüística, lanzan o seu catálogo de Nadal para invitar a cidadanía a agasallar en lingua galega nestas datas.
Fonte: Galicia Hoxe
As propostas de 'Nadal en Rede' enchen as axendas de lecer nos concellos da Rede de Dinamización
As propostas do programa 'Nadal en Rede' enchen desde a fin de semana pasada as axendas de lecer nos concellos da Rede de Dinamización Lingüística (RDL) da Xunta de Galicia.
Fonte: O Portal da Lingua Galega
A Mesa pola Normalización Lingüística edita un libro sobre peixes e fauna mariña en galego
Os peixes e outra fauna mariña é un libro para aprender, identificar e provocar interese polo mundo mariño entre as nenas e nenos de ata seis anos.
Fonte: Galicia Confidencial
O Concello de Betanzos aproba a súa Ordenanza para o impulso da lingua galega
A Ordenanza para o impulso da lingua galega no concello de Betanzos declara o galego como idioma oficial deste consistorio, co cal se empregará en toda a documentación, nas relacións coa cidadanía e con outras entidades, na comunicación social...
Fonte: CTNL
O Concello de Ferrol organiza no Nadal un campamento para o fomento da lingua galega
O Galicamp é un campamento que ten como obxectivos dar a coñecer a pluralidade lingüística e axudar a combater os prexuízos lingüísticos co galego.
Fonte: Galicia Confidencial
Cultura e Educación publica dúas novas convocatorias de dinamización lingüística nos centros educativos
O Portal da Lingua Galega e o Portal Educativo publican dúas convocatorias conxuntas da Secretaría Xeral de Política Lingüística e da Dirección Xeral de Educación, Formación Profesional e Innovación Educativa da Consellería de Cultura e Educación destinadas a promover o uso e valoración da lingua propia de Galicia nos colexios e institutos e a difundir, apoiar e recoñecer o labor dos equipos de dinamización da lingua galega.
Fonte: O Portal da Lingua Galega
A Televisión de Galicia reduce os servizos de dobraxe ao galego
O orzamento da TVG para os servizos de dobraxe ao galego de filmes, series e programas pasa de 7 a 1,4 millóns de euros.
Fonte: Galicia Confidencial
A aplicación do Xabarín Club convértese na primeira con programación infantil en galego
O programa Xabarín Club xa conta coa súa propia aplicación que ten entre os seus obxectivos difundir e dinamizar a lingua galega entre os máis pequenos de forma divertida.
Fonte: Cine y Tele
A Escola Oficial de Idiomas da Coruña organiza un obradoiro de iniciación á curtametraxe en galego
Este obradoiro realízase no marco do proxecto anual de promoción do Festival CinEOI Coruña 2017 e será impartido por Omar Rabuñal Varela (realizador, guionista e actor).
Fonte: Consello da Cultura Galega
Boletín
Subscríbase ao boletín
