Galicia
Alumnado galego e irlandés intercambiará coñecementos sobre a situación do galego e o gaélico
O alumnado de tres institutos de Ponteareas e o do centro Archbishop McHale College Tuam (Galway – Irlanda) participan no Proxecto Erasmus + “Linguas minorizadas, diversidade cultural e integración na Unión Europea do século XXI”.
Fonte: Consello da Cultura Galega
'Cantigas líricas galegas' propón novas músicas para poesía en galego
O novo proxecto ‘Cantigas líricas galegas. Para canto e piano e pezas corais’ propón novas músicas para poesía escrita na lingua propia de Galicia.
Fonte: O Portal da Lingua Galega
O Concello de Santiago de Compostela organiza un obradoiro para aprender a xestionar as emocións e conflitos lingüísticos
O obradoiro “Emocións e lingua”, que se enmarca no proxecto Apego, está dirixido a nenas e nenos de 4 a 10 anos e consta de cinco sesións nas que se aprenderán a xestionar as emocións que xorden cando a convivencia entre linguas non é pacífica.
Fonte: Consello da Cultura Galega
Valentín García participa no Día de Rosalía de Castro
O secretario xeral de Política Lingüística, Valentín García, participou no acto conmemorativo do Día de Rosalía de Castro 2017 que organizou a Asociación de Escritoras e Escritores en Lingua Galega no Panteón de Galegos Ilustres.
Fonte: O Portal da Lingua Galega
A Mesa pola Normalización Lingüística lanza unha ILP para garantir os dereitos lingüísticos no ámbito socioeconómico
A Mesa pola Normalización Lingüística presentou, no marco da súa asemblea xeral, a Iniciativa Lexislativa Popular coa que se pretende garantir o exercicio do dereito a empregar a lingua galega por parte das persoas consumidoras e usuarias nas relacións comerciais e de consumo.
Fonte: Galicia Confidencial
A Escola Galega de Administración Pública convoca cursos de formación lingüística para o funcionariado
A Escola Galega de Administración Pública oferta os seguintes cursos de contido lingüístico para o persoal da Xunta de Galicia: “Linguaxe administrativa non sexista e imaxe igualitaria na práctica da xestión pública”, “Redacción de documentos técnico-xurídicos en galego” e “Actualización gramatical e ortográfica da lingua galega”.
Fonte: Consello da Cultura Galega
A Deputación da Coruña convoca un concurso musical infantil para fomentar o uso do galego e a creatividade poética
Trátase da segunda edición do concurso “Quero Cantar”, co que se pretende promover a utilización do galego, así como a creatividade poética e musical entre os rapaces e rapazas de ata 16 anos.
Fonte: Consello da Cultura Galega
A Xunta conmemora o Día Internacional da Lingua Materna
Os conselleiros de Cultura, Educación e Ordenación Universitaria, Román Rodríguez; e Política Social, José Manuel Rey Varela; visitaron a Escola Infantil Tras Parlamento co gallo da celebración do Día Internacional da Lingua Materna, unha conmemoración coa que a Unesco quere impulsar o coñecemento e a práctica das linguas maternas en todos os eidos da sociedade.
Fonte: O Portal da Lingua Galega
Pídenlle ao Concello do Carballiño que se una ao programa Apego de promoción do galego nas familias
A formación Alternativa Veciñal do Carballiño proporá no próximo pleno que o Concello se una ao programa Apego, un proxecto encamiñado a fomentar o uso do galego nas familias con nenas e nenos entre 0 e 6 anos.
Fonte: La Voz de Galicia
Preséntase no CGAC un estudo pioneiro de Siro López sobre as orixes do humorismo en Cervantes
O humorista gráfico e caricaturista ferrolán Siro analiza no ensaio que se presenta no Centro Galego de Arte Contemporánea, en Santiago de Compostela, a aparición do humorismo na literatura universal coa obra O Quixote, de Cervantes.
Fonte: O Portal da Lingua Galega
Boletín
Subscríbase ao boletín
