Galicia
Convócase un ano máis unha nova edición do concurso en Twitter "Que se vexa! O galego"
Esta iniciativa, posta en marcha pola Coordinadora de Traballadores/as pola Normalización da Lingua, ten como obxectivo contribuír a visibilizar e reivindicar o emprego do galego en todos os ámbitos.
Fonte: CTNL
O Concello da Coruña organiza actividades de fomento do galego para menores de seis anos
No marco do proxecto Apego, o Goberno local organiza unha serie de actividades para impulsar o uso do galego entre os máis cativos.
Fonte: La Opinión
A Mesa pola Normalización Lingüística estrea unha curtametraxe que mostra os obstáculos para falar en galego
A curta está inspirada na serie británica Black Mirror e ten como finalidade denunciar os obstáculos para falar galego na vida diaria. Esta iniciativa enmárcase na campaña desta organización destinada a conseguir máis de 10 000 sinaturas para presentar unha iniciativa lexislativa popular que garanta os dereitos lingüísticos no ámbito socioeconómico.
Fonte: Galicia Confidencial
Iria Veiga gaña o Premio a artigos xornalísticos normalizadores do Concello de Carballo
O xurado do XIII Premio a artigos xornalísticos normalizadores concedeulle o galardón á médica Iria Veiga Ramos polo seu traballo "Inchazón". A gañadora recibirá 1250 euros e a publicación do artigo en varios medios de comunicación galegos.
Fonte: Galicia Hoxe
Un informe demanda maior esforzo para a creación de recursos tecnolóxicos destinados ao galego
Un estudo da Alianza Tecnolóxica Multilingüe de Europa, no que participaron 200 especialistas, analiza as aplicacións e as ferramentas tecnolóxicas dispoñibles para 31 linguas europeas, entre elas o galego.
Fonte: Praza Pública
O Concello de Rois aproba unha proposta para promover o emprego do galego nas lápidas dos cemiterios
O obxectivo desta proposta é fomentar o uso do galego nas lápidas dos cemiterios, nun concello onde o emprego desta lingua é moi elevado, o que non se corresponde coa súa escasa presenza nos camposantos.
Fonte: La Voz de Galicia
Feijóo destaca o plan de dinamización da lingua na xuventude para promover o galego na familia, na tecnoloxía ou no lecer
O presidente da Xunta, Alberto Núñez Feijóo, destacou o plan de dinamización da lingua na xuventude para promover o uso do galego no eido familiar, na tecnoloxía, no lecer e nas actividades extraescolares.
Fonte: O Portal da Lingua Galega
O Plan de dinamización do galego na mocidade será a principal acción en prol do seu uso cotiá polos máis novos
O conselleiro de Cultura, Educación e Ordenación Universitaria, Román Rodríguez, sinalou no Parlamento o Plan de dinamización da lingua galega na mocidade 2017-2020 como a principal acción que o seu departamento ten previsto desenvolver no futuro máis próximo para fomentar o uso da lingua propia de Galicia entre os máis novos.
Fonte: O Portal da Lingua Galega
Carlos Casares chegará aos fogares na bolsa da compra para festexar as Letras Galegas
O autor homenaxeado pola Real Academia Galega (RAG) con motivo deste 17 de maio, Carlos Casares, chegará aos fogares galegos na bolsa da compra de Vegalsa-Eroski para festexar as Letras Galegas.
Fonte: O Portal da Lingua Galega
A Xunta impulsará co ILG un proxecto para estudar o comportamento lingüístico dos máis novos
O presidente da Xunta, Alberto Núñez Feijóo, anunciou que a Xunta impulsará o proxecto Cambio lingüístico e contacto de lingua na xuventude, unha iniciativa coa que o Goberno galego apoiará o ILG no estudo dunha franxa de idade estratéxica para a promoción da nosa lingua: entre os 18 e os 25 anos.
Fonte: O Portal da Lingua Galega
Boletín
Subscríbase ao boletín
