Galicia
A Xunta convoca 682 prazas para que o alumnado mellore as súas competencias en lingua inglesa
A Consellería de Cultura, Educación e Ordenación Universitaria fai de novo este ano un importante esforzo a prol da aprendizaxe de idiomas coa convocatoria de 682 prazas para que o alumnado mellore as súas competencias en lingua inglesa en estadías lingüísticas.
Fonte: Xunta de Galicia
Os Premios á Calidade Lingüística impulsan o uso e a visibilización do galego no ensino superior
“Os Premios á Calidade Lingüística que promove a Universidade de Santiago de Compostela (USC) co apoio da Xunta de Galicia impulsan o uso e a visibilización da lingua galega no ensino superior incentivando que alumnado universitario elabore os seus traballos académicos ou de fin de grao, carreira ou mestrado no noso idioma propio”. Así o sinalou o secretario xeral de Política Lingüística, Valentín García, no acto de entrega da XII edición destes galardóns, no que 15 alumnos e alumnas dos campus compostelán e lugués da USC recolleron os seus premios.
Fonte: O Portal da Lingua Galega
Preséntase un volume que analiza o abandono do uso escrito formal do galego entre os séculos XV e XVI
A lingua galega no solpor medieval é o título do libro editado polos profesores Ramón Mariño Paz e Xavier Varela.
O CEIP coruñés Anxo da Garda e o IES vigués Carlos Casares gañan o concurso-exposición Letras Galegas
O Portal da Lingua Galega e o Portal Educativo publican a Resolución da convocatoria de concurso para a elaboración da exposición sobre o autor homenaxeado o Día das Letras Galegas 2017, Carlos Casares Mouriño, convocatoria que, como cada ano, puxo en marcha hai uns meses a Consellería de Cultura e Educación a través da Secretaría Xeral de Política Lingüística.
Fonte: O Portal da Lingua Galega
A Deputación da Coruña pon en marcha o programa de dinamización lingüística “Coa lingua fóra”
O programa de dinamización lingüística “Coa lingua fóra”, que se desenvolverá durante os meses de marzo e abril de 2017 en corenta concellos da provincia da Coruña, ten como obxectivo fomentar a socialización en galego, favorecer as actitudes positivas cara a esta lingua e incentivar o pensamento crítico na infancia e a mocidade.
Fonte: Deputación da Coruña
O secretario xeral de Política Lingüística participa nos actos de homenaxe ao escritor Álvaro Cunqueiro
O secretario xeral de Política Lingüística, Valentín García, participou nos actos de homenaxe ao escritor Álvaro Cunqueiro que organizou o Concello con motivo do aniversario do pasamento do escritor mindoniense.
Fonte: O Portal da Lingua Galega
A Universidade de Santiago de Compostela convoca a XIII edición dos Premios á calidade lingüística
O obxectivo destes premios é fomentar o emprego da lingua galega entre o alumnado unido ao espallamento da cultura da calidade na elaboración e defensa dos seus traballos.
Valentín García participa en Maside na presentación do XXXI volume de ‘Ágora do Orcellón’
O secretario xeral de Política Lingüística, Valentín García, participou no acto de presentación do XXXVI volume da revista Ágora do Orcellón.
Fonte: O Portal da Lingua Galega
O Concello de Carballo convoca o XIII Premio a artigos xornalísticos normalizadores
Este premio ten como obxectivo fomentar a reflexión sobre a situación social da lingua galega e incentivar o seu uso na prensa escrita. A persoa que resulte gañadora recibirá 1250 euros máis a publicación do artigo nos nove medios de comunicación que colaboran coa iniciativa.
Fonte: Consello da Cultura Galega
Convócase unha nova edición do concurso para impulsar o uso do galego na transmisión das matemáticas
Explícoche matemáticas 2.0 é un concurso organizado pola Universidade de Santiago e a Fundación Barrié que ten como finalidade fomentar o emprego da lingua galega na transmisión do coñecemento matemático.
Fonte: Consello da Cultura Galega
Boletín
Subscríbase ao boletín
