Galicia
Os Clubs de Lectura consolídanse nos centros escolares como ferramenta de mellora educativa
Os Clubs de Lectura, logo de dez anos da súa posta en funcionamento, estanse a afianzar nos centros educativos como unha ferramenta de mellora das competencias e destrezas do alumnado.
Fonte: O Portal da Lingua Galega
Finalizan os prazos de presentación de solicitudes para as prazas convocadas nos lectorados de galego
A Secretaría Xeral de Política Lingüística recorda que os días 26 de xuño e 6 de xullo finalizan os prazos fixados nas dúas convocatorias de prazas de profesorado-lector de lingua, literatura e cultura galegas coas que renovará este ano 10 dos 27 lectorados cos que contan os 35 centros de estudos galegos que integran a Rede de Centros de Estudos Galegos da Xunta de Galicia.
Fonte: O Portal da Lingua Galega
Comeza no Centro Ramón Piñeiro o curso de verán ‘Afonso X, cronista e protagonista do seu tempo’
O Centro Ramón Piñeiro para a Investigación en Humanidades (CRPIH) acolle na súa sede do compostelán Pazo de San Roque o curso ‘Afonso X, o Sabio: cronista e protagonista do seu tempo’.
Fonte: O Portal da Lingua Galega
A Xunta e a Real Academia Galega avanzan na dinamización lingüística e a investigación científica sobre a lingua propia
A Xunta de Galicia vén de reafirmar o seu compromiso co importante labor que desenvolve a Real Academia Galega (RAG) mediante o convenio asinado polo conselleiro de Cultura, Educación e Ordenación Universitaria, Román Rodríguez González, e o presidente desta institución académica, Víctor Fernández Freixanes. O convenio conta cun orzamento de 520 000 euros para a realización de accións culturais, investigación científica e investimentos.
Fonte: O Portal da Lingua Galega
Preséntase en Vigo unha nova edición do programa “No verán… un conto” co obxectivo de fomentar o galego no ámbito do lecer
O Concello de Vigo presenta unha nova edición do programa “No verán… un conto”, dirixido ao público infantil, familiar e adulto, que inclúe contos, monicreques, obradoiros, xogos tradicionais, música etc. para fomentar o uso do galego nas actividades de lecer.
Fonte: Consello da Cultura Galega
A Garda Civil denuncia o Concello de Gondomar por rotular tres sinais de tráfico só en galego
Dous gardas civís presentaron tres denuncias contra o Concello, unha por cada indicación, por considerar que se incumpre a Lei de tráfico ao non figurar o español. Trátase, ademais, de indicacións de dirección prohibida colocadas hai máis de dez anos.
Fonte: Praza Pública
Traducen por vez primeira ao galego a teoría da relatividade
O Consello da Cultura Galega edita por vez primeira en galego a teoría da relatividade cando se cumpren cen anos desde a publicación do texto orixinal de Albert Einstein en 1917.
Fonte: Consello da Cultura Galega
A Universidade de Vigo organiza cursos virtuais e presenciais para mellorar a redacción en galego
A Universidade de Vigo organiza unha serie de cursos que teñen como obxectivo mellorar a redacción, ampliar vocabulario e actualizar os coñecementos sobre a lingua galega.
Fonte: Universidade de Vigo
Convócanse cursos de linguaxe administrativa galega para persoal de distintas administracións públicas
A Escola Galega de Administración Pública convoca, en colaboración coa Secretaría Xeral de Política Lingüística, cursos de linguaxe administrativa galega na modalidade de teleformación.
Fonte: Consello da Cultura Galega
‘Os mundos de Carlos Casares’ chega á Coruña co apoio da Consellería de Cultura
‘Os mundos de Carlos Casares’, exposición central das Letras Galegas 2017, chega da man da Fundación Carlos Casares e co apoio, entroutros, da Consellería de Cultura -por medio das secretarías xerais de Política Lingüística e de Cultura- á cidade da Coruña para facer parada ata o vindeiro 23 de xullo na Fundación Pedro Barrié de la Maza.
Fonte: O Portal da Lingua Galega
Boletín
Subscríbase ao boletín
