Galicia
O Pico Sacro acolle o encontro de peche de Dragal coa participación de máis de trescentos estudantes
O lendario Pico Sacro acolleu o encontro que lle puxo o ramo á cuarta edición do programa de dinamización lingüística Dragal, e que emprazou os 313 estudantes e 22 profesores e profesoras dos seis centros educativos participantes para pechar as actividades programadas e desenvolvidas durante o curso escolar 2016/17.
Fonte: O Portal da Lingua Galega
A Deputación da Coruña aproba a Ordenanza de uso da lingua galega
O Pleno da Deputación da Coruña aprobou por unanimidade a Ordenanza de uso da lingua galega que declara o galego como idioma oficial deste organismo provincial.
Fonte: CTNL
O Concello de Silleda pon en marcha unha campaña de fomento do galego nos establecementos comerciais
A campaña #REBAIXASilleda# ten como obxectivo fomentar o uso da lingua galega no sector do comercio durante a época de rebaixas de verán.
Fonte: La Voz de Galicia
Resólvense os Premios Lois Peña Novo que recoñecen o traballo dos galardoados a prol da normalización da lingua galega
Os gañadores da vixésimo terceira edición destes galardóns son Sandra Piñeiro Vilas, maxistrada no Xulgado do Social n.º 3 de Lugo; Xurxo Mariño Alfonso, biólogo, profesor do Departamento de Medicina da Universidade da Coruña e divulgador científico; e a Asociación Cultural Ponte... nas Ondas!, polos seus máis de 20 anos de traballo a prol do patrimonio inmaterial galego-portugués.
Fonte: Consello da Cultura Galega
O Concello de Santiago convoca unha nova edición do Concurso de proxectos de publicidade comercial en galego
Trátase da quinta edición deste certame que ten como obxectivo incentivar a galeguización da comunicación entre as empresas e o público e tamén fomentar a calidade e a creatividade nesa comunicación.
A Coruña comeza a adaptar os nomes das súas rúas á toponimia oficial
O Concello da Coruña comezou a retirar varias placas das súas rúas que contiñan denominacións deturpadas de varias localidades galegas para adaptalas á toponimia oficial.
Fonte: Praza Pública
Música e literatura únense nas voces de medio milleiro de nenos para cantar os poetas mindonienses
Un coro conformado por cincocentos nenos e nenas homenaxeou os poetas mindonienses no concerto No bico un cantar. A praza da Catedral de Mondoñedo foi o escenario desta actuación na que alumnos e alumnas dos conservatorios de música profesional de Galicia cantaron os versos de Cunqueiro, Noriega Varela, Díaz-Jácome, Leiras Pulpeiro e Iglesia Alvariño.
Fonte: O Portal da Lingua Galega
A creatividade e a escrita centran as IX Xornadas de Actualización Docente de Portugués
O secretario xeral de Política Lingüística, Valentín García, participou na inauguración das IX Jornadas de Atualização Docente de PLE (português língua estrangeira) organizadas polo Instituto Camões.
Fonte: O Portal da Lingua Galega
Feijóo presenta a mostra ‘Flor Novoneyra’ como unha viaxe no tempo que reflicte a Galicia segura de si mesma
O presidente da Xunta, Alberto Núñez Feijóo, presentou a mostra Flor Novoneyra como unha viaxe no tempo que reflicte a Galicia segura de si mesma, orgullosa das súas raíces pero aberta a todas as influencias.
Fonte: O Portal da Lingua Galega
Valentín García acompaña a Xosé Luna na presentación do seu libro ‘Da lectura e outras cousiñas’
O secretario xeral de Política Lingüística, Valentín García, acudiu ao Edificio Cinc da Cidade da Cultura de Galicia para acompañar a Xosé Luna Sanmartín na presentación do volume Da lectura e outras cousiñas, que publica Edicións Embora.
Fonte: O Portal da Lingua Galega
Boletín
Subscríbase ao boletín
