O desenvolvemento da chamada Lei Paz Andrade, coa que se pretende reforzar os vínculos coa lusofonía, está a provocar un incremento do alumnado de portugués e a realización de actividades formativas para profesorado e persoal da Administración, así como a posta en marcha de iniciativas de tipo cultural en colaboración con Portugal.

Fonte: Galicia Hoxe

Algúns dos nomes que figuran na sinalización viaria de Santiago de Compostela, por exemplo na N-550, non cumpren a lexislación que determina que os topónimos teñen como única forma oficial a galega.

Fonte: Sermos Galiza

O Centro Ramón Piñeiro para a Investigación en Humanidades (CIRP) rendeulle homenaxe ao profesor e investigador Anxo Tarrío Varela, con motivo da súa xubilación.

Fonte: O Portal da Lingua Galega

O Parlamento galego aprobou unha proposición non de lei para reclamarlle a Google Maps que utilice a forma galega dos topónimos, posto que é esta a forma legal e oficial.

Fonte: La Voz de Galicia

A Xunta de Galicia congratúlase pola decisión da Real Academia Galega (RAG) de dedicar o Día das Letras 2018 a María Victoria Moreno Márquez, a cuarta muller na historia que recibe este recoñecemento, e traballa xa na organización dunha homenaxe que todas as galegas e galegos lle renderán á mestra e escritora o vindeiro ano.

Fonte: O Portal da Lingua Galega

O secretario xeral de Política Lingüística, Valentín García, presidiu no IES Ramón Menéndez Pidal da Coruña a entrega do III premio Inventa en Galego que promove Igaciencia co apoio da Secretaría Xeral de Política Lingüística. O galardón recaeu este ano na aplicación “BiciCoruña”, elaborada por alumnado de segundo de bacharelato do dito centro educativo baixo a dirección da profesora Paz Freire Campo.

Fonte: O Portal da Lingua Galega

A Asociación Cultural Adro de Baio convoca os II Premios Fouciño de pezas audiovisuais curtas que serán de temática libre e en galego (ou con subtítulos en galego), e susceptibles de publicarse baixo licenza Creative Commons.

Fonte: Código Cero

O DicionarioLab, impulsado pola Real Academia Galega e a Fundación Barrié, inclúe unha nova opción de busca no que respecta á fraseoloxía recollida no dicionario que permite que se poidan facer procuras efectivas de formas lingüísticas no conxunto de todas as expresións.

Fonte: Código Cero

Os libros e a lectura serán os protagonistas do verán nas bibliotecas públicas municipais de Galicia coas 81 actividades que ofrecerá o programa "Ler conta moito" durante a época estival.

Fonte: O Portal da Lingua Galega

Este premio, convocado pola Fundación de Exposicións e Congresos da Estrada, en colaboración co Concello da Estrada e a Deputación de Pontevedra, outorgarase ao mellor traballo ou serie de traballos xornalísticos publicados en galego en calquera medio de comunicación escrito.

Fonte: Consello da Cultura Galega