Galicia
Política Lingüística convoca cursos preparatorios para as probas Celga 2017
A Secretaría Xeral de Política Lingüística publica no Diario Oficial de Galicia unha nova convocatoria de cursos de lingua galega para persoas adultas preparatorios para as probas Celga 2017. Aos cursos presenciais para os niveis Celga 2, 3 e 4, que viñan sendo habituais nas últimas convocatorias, súmanse desta volta dous cursos en liña preparatorios para o Celga 1 pensados para persoas que teñen un coñecemento elemental da lingua propia de Galicia.
Fonte: O Portal da Lingua Galega
Publícase a versión en galego do manual Recomendacións para a resucitación 2015 do Consello Europeo de Resucitación
A Fundación Pública Urxencias Sanitarias de Galicia-061 publica a versión en galego do manual Recomendacións para a resucitación 2015 do Consello Europeo de Resucitación (ERC) elaborada por Marcos Gabriel García López e Rosalía Ferreiro García.
Fonte: Consello da Cultura Galega
A sexta edición do programa FalaRedes inicia a súa andaina coa actividade ‘A galiña azul’
A sexta edición do programa de dinamización lingüística que impulsa a Xunta de Galicia, por medio da Secretaria Xeral de Política Lingüística, nos concellos da Rede de Dinamización Lingüística (RDL) inicia estes días a súa andaina polas catro provincias galegas coa nova actividade ‘A galiña azul’.
Fonte: O Portal da Lingua Galega
O Museo de Pontevedra acolle a presentación de dúas publicacións sobre toponimia editadas pola Real Academia Galega
Un dos volumes presentados leva por título Toponimia de Agolada e será o primeiro da colección "Terra Nomeada", un proxecto froito da colaboración entre a RAG e a Asociación Galega de Onomástica. O outro, Estudos de Onomástica Galega. Microtoponimia: experiencias de recolla, didáctica e codificación, recolle os relatorios das Xornadas de Onomástica Galega, celebradas o pasado 17 de setembro.
Fonte: Real Academia Galega
A Real Academia Galega presenta o DicionarioLab, un proxecto para modernizar as ferramentas do traballo lexicográfico
DiccionarioLab forma parte do Portal das Palabras, froito da colaboración entre a Real Academia Galega (RAG) e a Fundación Barrié, e ten entre os seus obxectivos modernizar as ferramentas lexicográficas, ofrecer recursos útiles e establecer comunicación directa coa xente.
Fonte: Código Cero
O galego incorpórase ás andainas lingüísticas organizadas polo Centro de Linguas Modernas da Universidade de Santiago
O Centro de Linguas Modernas, coa colaboración do Servizo de Deportes, pon en marcha un ano máis esta iniciativa incorporando as linguas galega, francesa e italiana que se suman ao inglés.
A Deputación da Coruña resolve as axudas para os servizos de normalización lingüística dos concellos
O BOP da provincia da Coruña publica a resolución provisional das axudas a concellos e entidades locais para a creación, mantemento e reforzo dos servizos de normalización lingüística durante o ano 2017.
Fonte: Consello da Cultura Galega
Román Rodríguez destaca no centenario do pasamento de Pondal o carácter fundacional da súa obra poética
Román Rodríguez participou nos actos conmemorativos do centenario do pasamento de Eduardo Pondal, organizados pola súa Fundación, e coñeceu de primeira man o traballo de difusión cultural desenvolto pola FEP a través dos distintos talleres que organizan.
Fonte: O Portal da Lingua Galega
Valentín García participa na presentación do informe anual do Instituto Galego de Análise e Documentación Internacional
O secretario xeral de Política Lingüística, Valentín García, participou na presentación do informe anual do Instituto Galego de Análise e Documentación Internacional (IGADI) 2016/17.
Fonte: O Portal da Lingua Galega
Os poetas mindonienses serán os protagonistas da quinta edición de ‘No bico un cantar’
A Consellería de Cultura, Educación e Ordenación Universitaria e o Consello da Cultura Galega poñen en marcha a quinta edición de ‘No bico un cantar’, unha iniciativa na que a música e a poesía cobran protagonismo nas voces dos alumnos e das alumnas dos conservatorios profesionais de música de Galicia e que este ano lles renden homenaxe aos poetas mindonienses.
Fonte: O Portal da Lingua Galega
Boletín
Subscríbase ao boletín
