Un equipo formado por especialistas da Universidade de Santiago de Compostela, da empresa Imaxin∣Software e da Universidade do País Vasco creou un mapa mediante computación que mide as distancias entre 44 linguas europeas.

Fonte: Galicia Confidencial

O secretario xeral de Política Lingüística, Valentín García, participou en Vigo no acto de homenaxe á pedagoga Antía Cal e ao empresario Valentín Paz-Andrade, no marco das accións que están a levar a cabo a Xunta de Galicia, o Foro Enrique Peinador, a Universidade de Vigo (UVigo) e o Concello.

Fonte: O Portal da Lingua Galega

O conselleiro de Cultura, Educación e Ordenación Universitaria, Román Rodríguez, participou na rolda de prensa de presentación do disco 40 anos máis, co que o grupo A Roda conmemora as súas catro décadas dunha carreira musical dedicada á recuperación e difusión da canción tradicional galega.

Fonte: O Portal da Lingua Galega

A Consellería de Cultura, Educación e Ordenación Universitaria, por medio da súa Secretaría Xeral de Política Lingüística, e mais a Universidade de Vigo (UVigo), por medio da súa Área de Normalización Lingüística, recoñeceron un ano máis a calidade e a creatividade en galego do seu alumnado, a través dos Premios 2017 de Poesía, Relato Curto e Tradución Literaria.

Fonte: O Portal da Lingua Galega

O libro Santiago de Compostela, a cidade milagre convida a percorrer as rúas da capital de Galicia a través da prosa do escritor Carlos Casares. A obra, que acaba de ver a luz nunha coedición publicada polo Consorcio de Santiago e pola Editorial Galaxia, recolle unha serie de traballos que o homenaxeado coas Letras Galegas 2017 editara en varias revistas.

Fonte: O Portal da Lingua Galega

O secretario xeral de Política Lingüística, Valentín García, entregou, no CPR Plurilingüe Sagrado Corazón Madres Mercedarias e no CPR Plurilingüe Cristo Rey, os premios do Certame Letras Galegas convocado pola Federación de Pais e Nais de Colexios Concertados de Ferrol e comarca (FAPA Ferrolterra) co apoio da Secretaría Xeral de Política Lingüística.

Fonte: O Portal da Lingua Galega

O secretario xeral de Política Lingüística, Valentín García, e o director do Festival de Cine de Cans, Alfonso Pato, acompañaron o alumnado do CEIP de Ponzos, de Ferrol, na súa visita ao festival. Os 50 rapaces e rapazas ferroláns chegaron a Cans convidados pola Secretaría Xeral de Política Lingüística e polo propio festival para presentaren na sección Cans do Futuro, a curta de animación en galego “A figueira de Pelostortos”, coa que gañaron a pasada edición do concurso Nós tamén creamos!, inscrito no programa de dinamización lingüística homónimo, na categoría de 3º e 4º de primaria.

Fonte: O Portal da Lingua Galega

O poeta e profesor de arte Xosé Luís Mosquera Camba recibiu o XX Premio de Poesía Concello de Carral pola súa obra Das árbores tropicais e do amor, nun acto no que tamén se presentou a publicación do traballo gañador da pasada edición, Devalar sen pel, de Modesto Fraga.

Fonte: O Portal da Lingua Galega

DROTR é un tradutor gratuíto de mensaxes instantáneas para sistemas Android e iOS que serve para axudar a persoas sen coñecementos das linguas dos seus remitentes. Ademais do galego, tamén se incluíron o portugués, o castelán e o catalán.

Fonte: Código Cero

O Teatro Principal de Ourense acolleu a gala de entrega de premios do certame Youtubeir@s, un concurso co que se pretende aumentar a presenza en Internet de vídeos en galego.

Fonte: Praza Pública