O filólogo vigués Suso Moinhos acaba de publicar Memorajoj de kampara knabo, a versión en esperanto da obra de Neira Vilas Memorias dun neno labrego.

Fonte: Praza Pública

A Consellería de Cultura, Educación e Ordenación Universitaria multiplicou por 10 o número de cursos de nivel C1 no lustro no que levan funcionando. En concreto, para o curso 2017/18 ofértanse un total de 81 cursos, un incremento moi substancial respecto dos 8 que se puxeron a disposición da cidadanía no ano académico 2013/14.

Fonte: Xunta de Galicia

O manuscrito localizouse na biblioteca da familia Agra de Baio. Trátase dunha das escasas mostras orixinais da época en lingua galega conservadas nesta zona.

Fonte: Adiante Galicia

A actividade “Encontros con contos”, na que participan nenos e nenas saharauís coas súas familias acolledoras, servirá para presentar os contos de tradición oral saharauís traducidos ao galego.

Fonte: Val Miñor TV

A Consellería de Cultura, Educación e Ordenación Universitaria expediu nos últimos nove anos académicos – e a falta dos exames de setembro do curso 2016/17 – un total de 13 114 títulos acreditativos do nivel B2 no Marco Común Europeo de Referencia para as Linguas (MCERL) nalgunha das linguas que se ensinan na rede de Escolas Oficiais de Idiomas e as súas seccións de Galicia.

Fonte: Xunta de Galicia

A segunda edición do programa de dinamización lingüística Redecinema, que promove a Consellería de Cultura, por medio das secretarías xerais de Política Lingüística e de Cultura e mais da Agadic, despide o mes de agosto con cadansúa proxección nos concellos de Noia, Boiro, Foz e Mondoñedo.

Fonte: O Portal da Lingua Galega

Dúas nais e un pai comentaron vía Twitter a carencia de axendas en galego para a escola infantil, polo que decidiron unir forzas e editar unha entre os tres, que xa está dispoñible en internet para a súa libre descarga e impresión.

Fonte: Praza Pública

LGx15 é unha iniciativa, posta en marcha pola Coordinadora de Traballadores/as de Normalización da Lingua, que busca ideas para influír no futuro do galego. O vindeiro 9 de novembro celebrarase unha nova edición, para a cal as persoas interesadas xa poden presentar a súa autocandidatura.

Fonte: Consello da Cultura Galega

A Consellería de Sanidade modificará o sistema de apertura de farmacias en Galicia mediante un decreto que prevé cambios como a avaliación dos aspirantes cun baremo que medirá, entre outros aspectos, o coñecemento de lingua galega.

Fonte: Faro de Vigo

O Concello da Laracha anunciou a convocatoria dunha praza temporal de técnico/a de normalización lingüística, cuxo contrato rematará o 15 de outubro.

Fonte: Consello da Cultura Galega