Galicia
Román Rodríguez destaca a aposta do CDG por Valle Inclán cunha nova representación en galego este ano
O conselleiro de Cultura, Educación e Ordenación Universitaria, Román Rodríguez, destacou a aposta que está realizando o Centro Dramático Galego (CDG) arredor das obras de Ramón María del Valle-Inclán, posto que este ano vai estrearse a primeira versión en galego da obra Divinas palabras, o fito principal da programación do CDG nesta temporada.
Fonte: O Portal da Lingua Galega
O secretario xeral de Política Lingüística asiste á homenaxe a Isaac Díaz Pardo polo sexto aniversario do seu pasamento
O secretario xeral de Política Lingüística, Valentín García, asistiu á homenaxe a Isaac Díaz Pardo polo sexto aniversario do seu pasamento no cemiterio de Boisaca.
Fonte: O Portal da Lingua Galega
Convocado o XXI Premio de Poesía Concello de Carral
O secretario xeral de Política Lingüística, Valentín García, e mais o alcalde de Carral, José Luis Fernández Mouriño, presentaron as bases da XXI edición do Premio de Poesía Concello de Carral, un galardón que promove a creación literaria en lingua galega e que apoia a Consellería de Cultura, por medio das secretarías xerais de Política Lingüística e de Cultura.
Fonte: O Portal da Lingua Galega
O secretario xeral de Política Lingüística participa na homenaxe a Castelao polo 68º aniversario do seu pasamento
O secretario xeral de Política Lingüística, Valentín García, participou en San Domingos de Bonaval no acto de homenaxe a Castelao con motivo do 68º aniversario do seu pasamento.
Fonte: O Portal da Lingua Galega
A nova web do Concello de Sanxenxo terá versión en galego
O Concello de Sanxenxo prepara unha nova web municipal, máis adaptada ás necesidades de usabilidade e con versión en galego á que se accederá por defecto.
Fonte: Código Cero
O Concello de Redondela pon en marcha os Venres Cativos, unha iniciativa de promoción do galego dirixida aos máis pequenos
O Servizo de Normalización Lingüística de Redondela organiza os Venres Cativos, actividades para o último venres de cada mes que teñen como obxectivo fomentar o uso e a adquisición da lingua galega nas xeracións máis novas.
Fonte: SNL do Concello de Redondela
Unha investigadora da Universidade da Coruña estuda a variedade electrónica da lingua galega
Os códigos lingüísticos empregados nos dispositivos electrónicos caracterízanse pola tendencia á oralidade e polo seu carácter oralizante, uns fenómenos aos que non escapa a lingua galega e que foron analizados por Estefanía Mosquera Castro, investigadora da Universidade da Coruña.
Fonte: Galicia Confidencial
A exposición ‘Converxencias arte e ciencia’ chega á Coruña co apoio de Política Lingüística
O secretario xeral de Política Lingüística, Valentín García, inaugurou no Centro Ágora da Coruña a mostra ‘Converxencias arte e ciencia’, que fará parada na Cidade Herculina entre os vindeiros 15 e 19 de xaneiro.
Fonte: O Portal da Lingua Galega
A Biblioteca Nacional completa a recolección de dominios .gal que identifican a lingua e a cultura galegas
A Biblioteca Nacional de España completou a primeira recompilación do dominio .gal por encargo da Biblioteca de Galicia, un traballo que supón a captura dos sitios web rexistrados baixo o devandito dominio.
Fonte: Galicia Confidencial
A Xunta convoca unha nova edición de 'Lingua de namorar'
A Secretaría Xeral de Política Lingüística e a Dirección Xeral de Xuventude, Participación e Voluntariado da Xunta convocan unha nova edición do certame de declaracións de amor na rede Lingua de namorar, unha iniciativa que premiará por sexto ano a creatividade en lingua galega da xente nova.
Fonte: O Portal da Lingua Galega
Boletín
Subscríbase ao boletín
