Galicia
O Concello de Vigo organiza un curso de galego coa auga como fío condutor
Trátase de dous cursos que teñen como obxectivo ampliar o coñecemento da lingua galega (léxico, fraseoloxía, toponimia...) empregando a auga como fío condutor.
Fonte: Consello da Cultura Galega
García Porral recompila en ‘De mouros, mouras e tesouros’ máis de cincocentas lendas do Deza
O escritor Xoán Carlos García Porral recompila na obra De mouros, mouras e tesouros. A Comarca do Deza un total de 516 lendas de mouros e mouras dos concellos desta bisbarra.
Fonte: O Portal da Lingua Galega
A Deputación de Pontevedra dedicaralle o ano 2018 á lingua galega
O 2018 será o Ano da Lingua, unha iniciativa da Deputación de Pontevedra que ten como obxectivo poñer en valor os programas de fomento do galego e impulsar o seu emprego en todos os ámbitos.
Fonte: Deputación de Pontevedra
O alumnado do IES Fernando Esquío de Neda promove o uso do galego cun mural
O alumnado de 1º da ESO pintou un mural para promover o uso do galego, unha iniciativa impulsada pola Secretaría Xeral de Política Lingüística e organizada polo Concello de Neda.
Fonte: Ferrol 360
A Real Academia Galega recibe en doazón material léxico autógrafo do dicionario de Marcial Valladares
O Diccionario gallego-castellano de Marcial Valladares é unha obra fundamental da lexicografía galega do século XIX e un referente para os dicionarios elaborados con posterioridade.
Fonte: Real Academia Galega
A Universidade de Vigo organiza un ciclo de conferencias con motivo da estadía do manuscrito Vindel en Galicia
O Departamento de Filoloxía Galega e Latina organiza o ciclo de conferencias "Os xoves do Vindel", unha iniciativa na que diferentes especialistas ofrecerán relatorios sobre música, lingua ou onomástica.
Fonte: Universidade de Vigo
O Concello da Coruña organiza un curso de acollemento lingüístico para persoas inmigrantes e emigrantes retornadas
O obxectivo deste curso de acollemento lingüístico é facilitarlles ás persoas inmigrantes e emigrantes retornadas a súa integración na sociedade galega, a través de información histórica e sociocultural de Galicia e da adquisición de competencias básicas en galego.
Fonte: Consello da Cultura Galega
Piden a dimisión da Valedora do Pobo por amparar a vulneración dos dereitos lingüísticos
A Mesa pola Normalización Lingüística e o sindicato CIG convocaron un acto de protesta ante a sede do Valedor do Pobo para pedir a dimisión da súa titular, Milagros Otero, por amparar a vulneración dos dereitos lingüísticos dos galegos.
Fonte: Galicia Confidencial
O I Certame de Música Galega da USC xa ten finalistas
O I Certame de Música Galega da Universidade de Santiago de Compostela (USC) xa ten finalistas: “Dúas andoriñas”, de Guille LP; “No monte da pastora”, de Leda Atómica; e mais “Só nós”, de Noemia, son as tres propostas elixidas.
Fonte: O Portal da Lingua Galega
Ourense réndelle tributo ao poeta Víctor Campio Pereira
A Consellería de Cultura sumouse, representada no seu secretario xeral de Política Lingüística, Valentín García, ao acto de homenaxe do Centro PEN Galicia e mais do Ateneo ao escritor Víctor Campio Pereira González.
Fonte: O Portal da Lingua Galega
Boletín
Subscríbase ao boletín
