O estudo realizado pola Mesa pola Normalización Lingüística para a Deputación de Pontevedra revela que o 80 % dos 61 concellos da provincia non dispón nin de servizo de normalización lingüística nin de persoal técnico de normalización.

Fonte: Praza Pública

Encrucillada, a primeira revista de pensamento cristián da Transición escrita en galego, celebrou os seus 40 anos nun acto no que se presentou a monografía editada co gallo deste aniversario.

Fonte: Real Academia Galega

O Concurso Balbino de Relatos chega á súa terceira edición ampliando a temática dos traballos que poden concorrer a el ás do mar e a emigración, ademais da do rural recollida nas anteriores convocatorias.

Fonte: O Portal da Lingua Galega

A Coordinadora de Traballadores/as de Normalización da Lingua pon a disposición das persoas interesadas na súa canle de Youtube os vídeos das intervencións da última edición do LGx15, unha iniciativa de dinamización do galego na que se achegan argumentos e experiencias para influír no futuro da lingua.

Fonte: Consello da Cultura Galega

A Rede de Lectorados e Centros de Estudos Galegos da Xunta, representada nos responsables dos seus departamentos universitarios de ensino da lingua, da literatura e da cultura galegas fóra de Galicia, visitou en Vigo a mostra "Vindel, un tesouro en sete cantigas", no marco dunha viaxe institucional que incluíu tamén un percorrido guiado pola redondelá illa de San Simón.

Fonte: O Portal da Lingua Galega

Na primeira década do século XXI, os nomes propiamente galegos supoñen case o 13 %, aínda que con matices, xa que no caso dos masculinos, por exemplo, están máis ligados á continuidade familiar.

Fonte: La Voz de Galicia

Dende o Movemento Veciñal Estradense (Móvete), que presentou hai meses unha moción para o impulso desta normativa, cren que a aprobación desta ordenanza contribuirá ao fomento do uso do galego.

Fonte: Faro de Vigo

A Mesa pola Normalización Lingüística e a AGAL lanzan unha campaña conxunta para recuperar os nomes tradicionais dos días da semana en galego, usados maioritariamente ata ben entrado o século XX: domingo, segunda feira, terza feira, cuarta feira, quinta feira, sexta feira e sábado.

Fonte: Culturagalega.org

O Concurso Literario Xaime Illa Couto conta con dúas modalidades: relato curto ou conto, e poesía. O tema dos traballos é libre e deberán estar escritos en lingua galega.

Fonte: Faro de Vigo

A Real Academia Galega e a Asociación PuntoGal colaborarán para promover o dominio galego na rede (.gal) a través dunha campaña na que se reducirá o prezo dos novos rexistros durante o mes de febreiro, e tamén coa organización dun concurso de microrrelatos, de ata 200 palabras, co que se pretende estimular a produción creativa nos novos espazos da comunicación.

Fonte: RAG