Co gallo da celebración o 24 de febreiro do Día de Rosalía de Castro, a Asociación de Escritores e Escritoras en Lingua Galega, en colaboración coa Universidade de Vigo, convoca un concurso de microrrelatos en galego (dun máximo de 134 palabras) sobre a autora.

Fonte: Universidade de Vigo

A Deputación da Coruña organiza o programa "Lingua á Escena", unha iniciativa coa que pretende promover o uso do galego a través dun catálogo de trece espectáculos que os concellos da provincia poderán solicitar para ofrecer na súa programación cultural.

Fonte: Deputación da Coruña

Unha publicación recollerá os aspectos legais, sociais e lingüísticos dos nomes e apelidos galegos que centraron a II Xornada de Onomástica Galega celebrada o pasado mes de setembro no Museo de Pontevedra.

Fonte: Real Academia Galega

A voceira de Xustiza do Grupo Socialista denuncia a escasa presenza da lingua galega na Administración de Xustiza, onde o seu uso é residual, malia que a Lei de normalización lingüística apunta que a Xunta debe promover a súa progresiva normalización neste ámbito.

Fonte: Galicia Confidencial

A 4ª edición da Semana Cultural de Convergências Portugal-Galiza homenaxeará a Rosalía de Castro nas cidades de Braga (Portugal), Padrón e Santiago de Compostela a través da música, dos libros, da poesía, de tertulias e do teatro.

Fonte: O Portal da Lingua Galega

O III Concurso de subtitulación de vídeos TED de Ciencias da Saúde ao galego ten como obxectivo contribuír á creación de recursos divulgativos en galego en novos soportes.

Fonte: Universidade de Santiago de Compostela

O Dicionario enciclopédico de termos escénicos, que inclúe 300 entradas, pretende converterse nun recurso terminolóxico de referencia para o sector das artes escénicas e contribuír así á normalización do galego neste ámbito.

Fonte: Consello da Cultura Galega

As Sesións Destelo é un proxecto cultural que busca dar a coñecer bandas e solistas que fan música en galego a través de sesións acústicas que se irán subindo á rede cada dúas semanas.

Fonte: Consello da Cultura Galega

A galería Photo Art de Ourense acolleu a presentación do catálogo do V Premio Galicia de Fotografía Contemporánea, que recolle o traballo To name a mountain, co que Alfonso Almendros se fixo co galardón da última edición deste certame.

Fonte: O Portal da Lingua Galega

O presidente da Mesa pola Normalización Lingüística e a responsable do proxecto Abertos ao Galego mantiveron un encontro con empresas participantes nesta iniciativa para avanzar no compromiso coa normalización lingüística.

Fonte: Sermos Galiza