A Real Academia Galega colabora con "Toponimízate. Falámosche dos nomes da túa terra", un novo programa da Rede de Dinamización Lingüística da Xunta de Galicia que pretende divulgar a toponimia entre a cidadanía e concienciar sobre a importancia da implicación colectiva para a preservación deste patrimonio inmaterial.

Fonte: Real Academia Galega

Como é habitual en cada Nadal, acaba de publicarse a nova edición do catálogo Abertos ao Galego promovido pola Mesa pola Normalización Lingüística que inclúe produtos de empresas ou entidades que mostran un compromiso firme coa lingua galega.

Fonte: Praza Pública

Afundación, a Consellería de Cultura, Educación e Ordenación Universitaria da Xunta de Galicia e o Centro PEN de Galicia convocan a décimo sexta edición do Premio de Poesía Afundación, co obxectivo de impulsar e de recoñecer a produción poética en lingua galega.

Fonte: O Portal da Lingua Galega

O novo programa "Toponimízate. Falámosche dos nomes da túa terra" chega á Coruña e a Palas de Rei e mais ao Grove.

Fonte: O Portal da Lingua Galega

Cun 48 por cento dos votos, afouteza é a Palabra do Ano 2017. Votaron por ela 3 004 persoas das 6 228 que participaron na elección promovida polo Portal das Palabras, o proxecto web da Real Academia Galega e a Fundación Barrié.

Fonte: RAG

A Axencia Galega das Industrias Culturais (Agadic) da Consellería de Cultura, Educación e Ordenación Universitaria convoca as novas edicións dos premios Álvaro Cunqueiro para textos teatrais, Manuel María de literatura dramática infantil e Barriga Verde de textos para teatro de monicreques nas súas modalidades de público infantil e adulto.

Fonte: O Portal da Lingua Galega

O programa de dinamización lingüística 'Nadal en Rede' pecha o 2017 cunha manchea de actividades nos concellos da Rede de Dinamización Lingüística (RDL) da Xunta de Galicia. A axenda de actividades ofrece propostas en Carballedo, no Rosal, na Lama, en Cerceda, en Coristanco, en Moaña, en Vilaboa, en Castro de Rei, en San Cristovo de Cea, en Poio, en Cospeito, en Burela, en Toén e en Curtis. Os protagonistas nos escenarios serán Os Bolechas, Ignacio Vilariño de Fantoches Baj, Uxía, María do Ceo, Senén Vaamonde e A Roda.

Fonte: Xunta de Galicia

Co fin de avanzar na planificación do programa de actividades co que se conmemorará o centenario da Xeración Nós, a Xunta de Galicia celebrou unha xuntanza co grupo de traballo que está a coordinar a efeméride, promovido pola Consellería de Cultura e Educación e do que forman parte diversas administracións e as principais entidades culturais de Galicia.

Fonte: O Portal da Lingua Galega

O xeógrafo compostelán e profesor universitario Xosé Constenla Vega fíxose coa XVII edición do Premio Ramón Piñeiro de Ensaio, galardón que convocan conxuntamente a Secretaría Xeral de Política Lingüística e a Editorial Galaxia coa colaboración de Gas Natural Fenosa.

Fonte: O Portal da Lingua Galega

A Rede de Dinamización Lingüística (RDL) da Xunta de Galicia celebrou no concello ourensán de Xinzo de Limia a reunión ordinaria anual na que participou a representación da súa área política, que integra oito novas incorporacións e chega ás 187 entidades entre concellos, deputacións, mancomunidades, fundacións, consorcios e outras.

Fonte: O Portal da Lingua Galega