Galicia
O dominio galego en internet celebra as Letras Galegas cunha baixada de prezos
O dominio galego .gal celebra o Día das Letras Galegas e o Día das Telecomunicacións e Internet cunha rebaixa no prezo dos novos dominios rexistrados, que se poderán obter por 17 euros máis IVE entre o 15 e o 31 de maio. Esta promoción inclúe, ademais, un agasallo especial: unha camiseta deseñada por ReiZentolo para PuntoGal.
Fonte: Dominio .gal
Educación e Cogami colaboran no impulso da lingua galega entre o alumnado
A Consellería de Cultura, Educación e Ordenación Universitaria e a Cogami (Confederación Galega de Persoas con Discapacidade) colaboran no desenvolvemento dun programa de actuacións en lingua galega para que o alumnado que requira unha atención educativa diferente á ordinaria poida acadar o máximo desenvolvemento posible das súas capacidades.
Fonte: O Portal da Lingua Galega
Xa está dispoñible para todo o público o novo corpus lingüístico para o galego do Instituto da Lingua Galega
Na páxina web do Instituto da Lingua Galega xa se pode consultar o novo corpus lingüístico Gondomar. Corpus dixital de textos galegos da Idade Moderna, un proxecto que inclúe a produción escrita en galego ao longo dos séculos XVI, XVII e XVIII.
O cadernos didácticos Rubio xa contan con versión en galego
Rubio acaba de lanzar a súa primeira colección de cadernos en lingua galega debido á crecente demanda por parte de docentes e pais, que se suman así aos xa existentes en valenciano e catalán.
Fonte: Praza Pública
Convócase o IX Certame de Cinema OUFF Escola co obxectivo de impulsar o galego entre a mocidade
O certame escolar OUFF Escola, convocado polo Concello de Ourense e o Festival de Cine Internacional de Ourense, en colaboración coa Secretaría Xeral de Política Lingüística, ten como obxectivo impulsar o uso do galego entre a xente nova, fomentar a creatividade audiovisual e promover o traballo en equipo.
Fonte: Consello da Cultura Galega
Milleiros de persoas percorren as rúas de Santiago de Compostela na manifestación convocada pola plataforma Queremos Galego
A plataforma Queremos Galego reuniu o pasado 17 de maio en Santiago de Compostela a milleiros de manifestantes que reivindicaron o seu dereito a vivir en lingua galega.
Fonte: Praza Pública
Os Bolechas protagonizan en Pontevedra unha exposición sobre o galego organizada pola Deputación Provincial
A mostra didáctica ‘Gatiños, Ghatiñas, Gatíos. Xeitos de falarmos galego', protagonizada polos Bolechas e impulsada pola Deputación de Pontevedra, pretende achegarlles aos máis pequenos a riqueza da nosa lingua. A exposición, que arrancou en Pontevedra, percorrerá todas as comarcas da provincia en próximas datas.
Fonte: Deputación de Pontevedra
Carlos Lixó gaña o Premio a artigos xornalísticos de lingua do Concello de Carballo
O xurado do XIV Premio a artigos xornalísticos normalizadores proclamou como gañador da edición do 2018 deste certame a Carlos Lixó polo seu artigo «Alpabardas verdes».
Fonte: Concello de Carballo
Ovidio Rodeiro e Jesús Oitaven entregaron os premios da V Carreira Camiño das Letras na Cidade da Cultura
O delegado territorial da Xunta na Coruña, Ovidio Rodeiro, foi o encargado de darlle a saída á V edición da Carreira Camiño das Letras coa que se conmemorou o Días das Letras Galegas a través do deporte e poñendo en valor o noso patrimonio do Camiño de Santiago.
Fonte: O Portal da Lingua Galega
Valentín García e Ovidio Rodeiro participan na presentación do Ciclo da Mitoloxía e Sacralidade do Pico Sacro
O secretario xeral de Política Lingüística, Valentín García, e o delegado territorial Ovidio Rodeiro participaron na presentación do Ciclo da Mitoloxía e Sacralidade do Pico Sacro.
Fonte: O Portal da Lingua Galega
Boletín
Subscríbase ao boletín
