A plataforma de préstamo de libros e revistas en formato electrónico GaliciaLe incorpora agora un catálogo audiovisual á súa oferta cunha proposta de 77 filmes, entre os que se poden atopar documentais, películas de animación e longametraxes de ficción.

Fonte: O Portal da Lingua Galega

A Xunta de Galicia, en colaboración coa compañía Baobab Teatro, levou a escena o espectáculo teatral "Pum, pum!", unha obra que representa historias cotiás que lles acontecen aos menores e a través da cal se transmite a mensaxe aos nenos e nenas que asisten á función de que ninguén pode obrigalos a facer cousas que non queren.

Fonte: O Portal da Lingua Galega

O CGAC acolleu a rolda de prensa de presentación da Memoria de actividades de Cultura da Xunta de Galicia 2017, unha publicación na que se resumen os eixes da actividade cultural realizada ou participada o pasado ano desde o Goberno autonómico.

Fonte: O Portal da Lingua Galega

A Escola Galega de Administración Pública convoca cursos de formación para o persoal da Administración autonómica de Galicia, entre os que se atopan dous de contido lingüístico: “Linguaxe administrativa non sexista e imaxe igualitaria na práctica da xestión pública” e “Actualización gramatical e ortográfica da lingua galega”.

Fonte: Consello da Cultura Galega

A manifestación do 17 de maio deste ano terá como lema "En galego día a día" e percorrerá as rúas de Santiago de Compostela a partir das 12 da mañá.

Fonte: Queremos Galego

O Premio Luísa Villalta a Iniciativas Normalizadoras, convocado polos servizos de normalización lingüística das tres universidades galegas, coa colaboración da Secretaría Xeral de Política Lingüística, chega á súa edición número 15 co obxectivo promover a reflexión e a dinamización lingüísticas no ámbito universitario.

Fonte: Consello da Cultura Galega

A Universidade de Vigo (UVigo) e a Secretaría Xeral de Política Lingüística celebran por cuarto ano consecutivo a xornada Día das Redes Galegas. O secretario xeral de Política Lingüística, Valentín García, acudiu ao salón de graos da Facultade de Ciencias Sociais e da Comunicación do Campus de Pontevedra para inaugurar un encontro que busca analizar o papel das redes sociais no século XXI e poñer en valor a figura dos responsables de comunidades virtuais a través da experiencia de profesionais formados na propia facultade.

Fonte: O Portal da Lingua Galega

O secretario xeral de Política Lingüística, Valentín García, participou en Vigo na inauguración da exposición "O Día das Letras Galegas. 55 anos de historia".

Fonte: O Portal da Lingua Galega

Centros de ensino secundario de 43 concellos coruñeses acollerán as actividades de fomento do galego organizadas pola Deputación da Coruña no marco da campaña "O galego: a miña lingua" que ten como obxectivos potenciar o uso desta lingua entre a xente nova e fortalecer a súa identidade lingüística.

Fonte: Deputación da Coruña

A Mesa pola Normalización Lingüística acusa a Axencia Tributaria de obstaculizar o dereito da cidadanía a facer a declaración da renda en galego. Concretamente, sinalan que esta Administración carece de servizo telefónico de atención nesta lingua para informar sobre a actual campaña.

Fonte: Galicia Confidencial