Galicia
As aplicacións do Dicionario da Real Academia Galega renóvanse coa incorporación dos cambios demandados polas persoas usuarias
A nova versión das aplicacións do Dicionario da Real Academia Galega para Android e iOS introduce as modificacións solicitadas polos usuarios e usuarias, así como funcións xa incluídas na versión web desta ferramenta.
Fonte: Real Academia Galega
Ponse en marcha unha iniciativa para renderlles unha homenaxe ás nenas e nenos que falan galego
Un grupo de persoas acaba de poñer en marcha en Internet a iniciativa "Porque me peta!", que ten como finalidade renderlles unha homenaxe a todas as nenas e nenos que falan galego.
Fonte: Consello da Cultura Galega
A Universidade de Santiago pon en marcha novas andainas lingüísticas en catro linguas
As andainas lingüísticas teñen como obxectivo que as persoas participantes aprendan e practiquen distintas linguas nun contexto informal. Nesta nova edición os idiomas que se poderán practicar son o inglés, o checo, o alemán e o francés.
Alumnos dun centro de secundaria de Arteixo inician unha campaña para que Google respecte o topónimo oficial do seu municipio
O alumnado do IES Manuel Murguía de Arteixo puxo en marcha unha iniciativa para que Google utilice o topónimo oficial en galego do seu concello, en lugar da forma Arteijo.
Fonte: La Voz de Galicia
Cambre organiza un certame literario en lingua galega destinado á mocidade
O Concello de Cambre organiza un certame de poesía, narración breve e microrrelato destinado a mozas e mozos de entre 12 e 26 anos ao que poderán presentarse textos redactados en galego e que sexan orixinais, inéditos e non premiados con anterioridade.
Fonte: La Opinión
Política Lingüística colabora con PuntoGal nunha campaña con motivo do Día do Libro
O secretario xeral de Política Lingüística, Valentín García, participou no IES Leixa de Ferrol, na presentación da campaña da Asociación PuntoGal con motivo do Día do Libro, que se celebra o 23 de abril.
Fonte: O Portal da Lingua Galega
O programa de dinamización lingüística FalaRedes homenaxea a María Victoria Moreno
O secretario xeral de Política Lingüística, Valentín García, asistiu á sesión inaugural da actividade de dinamización lingüística "Señora que pasea pola rúa con dous cans preciosos", con que a Rede de Dinamización Lingüística (RDL) que el preside lle rende homenaxe á autora a quen se lle dedicará este ano o Día das Letras Galegas.
Fonte: O Portal da Lingua Galega
A Coruña acolle a entrega dos premios do certame de vídeos en galego Youtubeir@s
O Teatro Colón da Coruña acolleu a gala de entrega da segunda edición dos Premios Youtubeir@s, presentada pola compañía teatral A Panadaría, nos que se rexistraron 230 vídeos participantes. Trátase dun concurso co que se pretende aumentar a presenza do galego en Internet e que está organizado polos servizos de normalización lingüística da Deputación da Coruña, as tres universidades galegas e nove concellos.
Fonte: Praza Pública
A Xunta impulsa a candidatura Illas Cíes-Parque Nacional Illas Atlánticas entre os máis cativos a través dos Bolechas
A Xunta de Galicia impulsa a candidatura Illas Cíes-Parque Nacional Illas Atlánticas a Patrimonio Mundial da Unesco entre os máis pequenos cunha actividade de lecer ao aire libre da man dos seus personaxes preferidos, os Bolechas, que son un referente tanto de dinamización lingüística coma de literatura infantil de éxito.
Fonte: O Portal da Lingua Galega
O Consello da Cultura Galega publica un informe sobre a situación do libro en galego
O Informe sobre datos da edición en Galicia 2006-2016 conclúe, entre outros aspectos, que neste período se publicaron menos títulos, as tiraxes foron menores e diminuíron as axudas institucionais ao libro galego.
Fonte: Consello da Cultura Galega
Boletín
Subscríbase ao boletín
