A campaña "Territorios Unidos" da Organización das Nacións Unidas (ONU) permite traducir ás linguas nativas de Costa Rica mensaxes e advertencias sanitarias sobre a covid-19 co obxectivo de evitar o contaxio nas comunidades indíxenas.

Fonte: Noticias ONU

O Goberno da India arrebatou ao urdú a condición de única lingua oficial do estado de Jammu e Caxemira. Catro linguas máis serán agora oficiais: o caxemirés, o dogri e o hindi, ademais do inglés.

Fonte: La Vanguardia

Entre 2016 e a actualidade, a demanda por aprender a lingua de signos na Arxentina medrou un 236 %. Os docentes e o persoal da saúde son os máis interesados en aprendela. 

Fonte: Clarín

A Comisión Europea anunciou o lanzamento do seu concurso anual de tradución para estudantes de ensino secundario de toda Europa, Juvenes Translatores. Todas as escolas dos países da UE poderán inscribirse para participar.

Fonte: European Commission

O dicionario de inglés en liña Dictionary.com actualizará máis de 15000 entradas para eliminar a lingua de contido racista ou discriminatorio. O obxectivo é concienciar as persoas sobre a necesidade de usar unha linguaxe máis libre de prexuízos.

Fonte: The Guardian

Un grupo de farmacéuticos e farmacéuticas solicitou á Unión Europea que non sexa necesario publicar a información sobre a vacina da covid-19 en 24 linguas co fin de garantir a súa rápida distribución.

Fonte: Livemint

As escolas de lingua francesa do Quebec reabren aplicando as medidas de seguridade para lidar coa expansión do virus da covid-19. O presidente quebequés apoia a medida por ser positiva para o benestar emocional do alumnado.

Fonte: CHCH

Unha nova lei que obriga a substituír o mongol como lingua de instrución polo chinés levantou importantes protestas nas escolas da rexión autónoma de Mongolia Interior.

Fonte: New York Times

Representantes das comunidades indíxenas do Brasil advertiron que se non se fai nada para deter a expansión da pandemia da covid-19, a enfermidade podería acabar coa vida de falantes vellos e pór as súas linguas ao bordo da desaparición.

Fonte: BBC Brasil

Os Institutos Culturais Romaneses de todo o mundo ofrecerán eventos en liña para celebrar o Día Internacional da Lingua Romanesa.

Fonte: Romania Insider