Euronews incorpora o uso da lingua xeorxiana ás emisións da súa canle local en Xeorxia e comezará a emitir 24 horas neste idioma.

Fonte: Euronews

Nova Zelandia celebra a Semana da Lingua Maorí que pretende exaltar a cultura, as tradicións e a lingua indíxena do país insular.

Fonte: Diário do Turismo

A Coordinadora do Ensino do Portugués en Luxemburgo informou de que o novo ano académico arranca cun incremento da docencia de lingua portuguesa no país. Os cursos de lingua portuguesa abranguen desde a etapa preescolar ao ensino de portugués para persoas estranxeiras.

Fonte: Wort

As políticas comandadas polo goberno chinés para restrinxir a docencia en lingua mongol nas escolas de Mongolia Interior seguen a provocar mobilizacións en moitos lugares. A pesar das presións recibidas, moitas familias decidiron en sinal de protesta non levar as súas crianzas á escola.

Fonte: NPR

O Núcleo de Estudos Galegos da Universidade Federal Fluminense (UFF) organizou a mesa redonda en liña "Galego-Portugês-Brasileiro. Relações históricas" na que participaron tres lingüistas, entre eles o galego Henrique Monteagudo da Universidade de Santiago de Compostela.

Fonte: Consello da Cultura Galega

O Partido Maorí de Nova Zelandia presentou unha proposta para rebautizar o país co nome indíxena Aotearoa co fin de visibilizar a lingua maorí na vida pública.

Fonte: Notimérica

O Centro do Libro de Lingua Portuguesa de Frankfurt, a libraría portuguesa máis antiga de Alemaña, fixo agora 40 anos.

Fonte: Observador

A Universidade de São Paulo inclúe na oferta de formación continuada dous cursos gratuítos de lingua e cultura catalás en réxime non presencial.

Fonte: Aqui Catalunha

O Centro de Linguas da Universidade do Miño ofertará este semestre cursos en once idiomas, entre eles o galego. Os cursos serán impartidos entre os campus de Gualtar (Braga) e Azurém (Guimarães).

Fonte: Braga TV

Unha enquisa realizada en Ucraína pola fundación Ilko Kucheriv revelou que a maioría das persoas enquisadas considera a lingua ucraína como un elemento primordial que garante a independencia do país.

Fonte: UNIAN